“Байер” ярим ҳимоячиси “Бавария”га ўтади

“Radio Futuro”нинг хабар беришича, Мюнхен клуби футболчи билан шахсий шартнома борасида келишиб олди. Футболчи “Бавария”га эркин агент сифатида қўшилади. Унинг “Байер” билан келишуви жорий йилнинг ёзида ниҳоясига етади.

Арангис 2015 йилнинг ёзида Бразилиянинг “Интернасьонал” клубидан “Байер”га ўтганди. Ўшанда футболчининг трансфери немис клубига 13 миллион еврога тушганди. Жорий мавсумда 30 ёшли хавбек Германия чемпионати баҳсларида 18 та учрашувда майдонга тушиб, битта гол урди ва учта голга ассистентлиқ қилди.

Футболчи Чили термаси сафида 70 та ўйинда майдонга тушган ва еттита гол урган.