Бахтиёр Саттаров: "Шердор" футболчиларининг ота-оналарига миннатдорчилик билдираман"

- Ассалому алайкум, Бахтиёр  ака! Бугунги учрашув ҳақида фикрларингиз қандай?
- Бугун жуда оғир ва қийин ўйин ўтказдик. Биз шунча узоқ йўл босиб келдик. “Ифтихор” жамоаси яхши шаклланган, биз бу жамоада тажрибали футболчилар жамланганлигини билар эдик. Мана учрашув давомида  рақиб жамоани кучи қай даражада эканлигини билдик. Табиатнинг бир оз инжиқлиги туфайлими, ёки бошқа сабаблар борми,  майдон сифати борасида бир оз эътирозим бор. Майдон бизнинг ўйинимизни тўлиқ кўрсата олишимизга имкон бермади. Учрашув охирида, ўзингиз гувоҳ бўлдингиз, икки марта бирга бир вазиятда гол ура олмадик. Бугун биз ютиб кептишимиз ҳам мумкин эди. Бу менимча футболчиларимизга тажриба етишмаганлигидан далолат, биз бунинг устида ишлаймиз албатта. Учрашувда дуранг натижа қайд этилди, мен истардимки, ушбу ўйинда дўстлик ғалаба қозонди деб ҳамма айтишини, чунки ўйин шунга мос даражада бўлди.    

- “Шердор” жамосининг биринчи даврада кўрсатган ўйинидан қониқиш ҳосил қилдингизми?
- Жамоани биринчи даврада кўрсатган ўйинидан қониқдим, футболчилармизга раҳмат дейман, улар бунга муносиб. Мен бош мураббий сифатида жамоамиздаги барча футболчиларни ота-оналарига миннатдорчилик билдираман. Футболчиларимиз янада ўсиши керак, ўз устиларида ишлашлари керак. Биз бунга бор имкониятимизни ишга солган холда кўмаклашамиз.      

Бекзод Толибов ёзиб олди.