Бахтиёр Ҳамидуллаев мураббийлик соҳасида ишлаш ниятида

Андижон футболи ҳақида гап кетганида, кўпинча ушбу голеадор эсга олинишини жуда яхши биламиз. Боиси “Андижон” таркибида ёрқин ўйин намойиш этган Ҳамидуллаев футболчилик даврида айнан ушбу жамоа сафида олтин давларларни бошдан ўтказган. 
Шу боис унинг ҳам бу жамоага меҳри ўзгача дейиш мумкин.
Бутсаларини михга илишга қарор қилган собиқ футболчи, хурмати борида “майдонни” тарк этди десак муболаға бўлмайди.

Тўғри, Ҳамидуллаев бугунги кунда ҳам олий лиганинг айрим жамоаларида бемалол ўйнаб кета олади. Лекин у ўз кучига тўғри баҳо берган холда, тўп тепишни бас қилди.
Яқинда Ҳамидуллаев ҳамкоримиз “Футбол Экспресс” газетасига интервью берди. Унда собиқ ҳужумчи айни пайтда тадбиркорлик билан шуғулланаётганини, лекин яқин орада футбол соҳасига қайтишини, фақат бу сафар мураббийликда ўзини синаб кўришини айтиб ўтган.
 Бунинг учун Бахтиёр аввало биринчи ўринда мураббийлик лицензияси учун ўқув қурсларида таҳсил олиши кераклигини аълоҳида таъкидлаб ўтган.
Ажаб эмас, собиқ ҳужумчини яқин орада бирорта клубнинг мураббийлар штабида учратсак.