Бахтиёр Ашурматов: “Ҳозирги футболда "championat.asia"нинг роли катта” (видео)

Бахтиёр ака майдон четида мураббийлик қилиб турса деб ўйлагандик. Бироқ ўзи ҳам майдонга тугибёшлар билан тенгма-тенг тўп сурди. Бир сўз билан айтганда, ўз жамоасининг ҳимоя қўрғони бўлди. Бахтиёр Ашурматов сайтимизнинг уч ёшга тўлгани билан қизғин табриклади.

- Аввало championat.asia сайтининг 3 ёшга киргани билан табриклайман. Мана бугун об-ҳаво ёмғирли бўлса-да, кўплар футболчилар ва мухлислар сайтга ўз ҳурматларини намойиш этган ҳолда шоу-тадбирга келишди. Бунинг учун ташриф буюрганларнинг ҳаммасига раҳмат айтмоқчиман. championat.asia юртимиздаги энг илғор футбол сайти ҳисобланади. Менга айниқса, сайтнинг ўзбек футболи ҳақидаги хабарларни тезкорлик билан ўқувчиларга етказиши ёқади. Ҳозир ахборот асрида яшаётган эканмиз, футбол янгиликларидан тез хабардор бўлишга барчамиз қизиқамиз. Бунинг учун championat.asia катта ҳажмдаги ишни бажармоқда ва хабар-янгиликларни имкон қадар ўз вақтида мухлисларга етказмоқда.

-  Маълумки, сиз катта футболга кириб келган йилларда интернет унчалик фаол эмасди, одамлар асосан газета ўқишарди. Лекин бугунги футболда сайтларнинг, хусусан championat.asiaнинг роли қандай деб ўйлайсиз?
-  championat.asia сайтининг роли катта деб ўйлайман. Шахсан ўзим ҳам энг кўп шу сайтга кираман ва кўпроқ олий лига ўйинларидан кейинги бериб бориладиган мураббийларнинг фикрини ўқиб тураман. Футбол ичида фаолият олиб борар эканмиз, ҳар бир футболчи ва мураббийнинг айтган гапи барчамизга қизиқ туюлади. Агар футболчи ва мухлислар ўртасида мана шундай шоу-тадбирлар кўпроқ ташкил қилинса, ўйлайманки, бу ҳам мамлакатда футболнинг оммавийлашишига туртки бўлади.



Оператор: Илҳом Раҳматов
Хайрулла Холиқов суҳбатлашди.