Бахтиёр Ашурматов: "Дуранг адолатли натижа бўлди"
08 авг 2021 22:45
Янгиликлар

Бахтиёр Ашурматов: "Дуранг адолатли натижа бўлди"

Теглар : Қўқон-1912 Бахтиёр Ашурматов

Coca-Cola Суперлиганинг 14-туридан ўрин олган "Қўқон-1912" - "Турон" (2:2) учрашувидан сўнг қўқонликлар бош мураббийи Бахтиёр Ашурматов ўз фикрларини билдириб ўтди.

"Охирги турларда муваффақиятсизликка учраётганимиз сабабли бугунги ўйинда уйда ўйинда ўйнайдиган услубдан воз кечдик. Яйпанликлар сафида Билолхон Тошмирзаев, Суннатилла Абдуллажов каби тезкор футболчилар борлиги туфайли қарши ҳужумда гол ўтказиб юбормаслигимиз учун иккинчи рақамли жамоа сифатида ўйнашга қарор қилдик.

Ўйинда биз гол урганимиздан сўнг Иқбол Маликжоновни майдонга тушириб ҳимоявий услубда ўйнамоқчи эдик. Лекин тезкорлик билан урилган жавоб голи режаларимизни ўзгартириб юборди.

"Турон" жамоасига навбатдаги ўйинда омад тилайман. Бугунги ўйинда ўйлашимча дуранг адолатли натижа бўлди" - дейди "Қўқон-1912" устози.