Бахтиёр Ашурматов: “Биз кубок баҳсларида мўъжиза кўрсатишга уриниб кўрдик”

- Илк ўйиндан ўз майдонимизда ютқазиб қўйгандик. Шу боис Қаршида бизга қийин бўлишини билардик. Ва кубок ўйинларида кутилмаган натижалар содир бўлади. Бугунги ўйин натижаларидан келиб чиқиб айтадиган бўлсак, маҳорат бобида чемпионатда бошқалардан устун жамоалар кутилгандек ярим финалга йўл олишди.  Ўтган ўйинда жароҳати бўлсада, Саидовни майдонга туширгандик. Бугун эса оптимал таркибни майдонга тушира олмадик.  Ўйин бошиданоқ маҳорат бобида биздан устун эканлиги сезилиб турди. Биз кубок баҳсларида мўъжиза кўрсатишга уриниб кўрдик. Аммо афсуски бу босқичда “Насаф” биздан кучлилигини намойиш этди.