"Бавария" январда ўз ўйинчисини МЮга қўйиб юбормагани маълум бўлди

"Манчестер Юнайтед" январда "Бавария" хавбеки Корентин Толиссони ижарага олишга ҳаракат қилган эди.

Аммо, "қизил иблислар" бунинг уддасидан чиқа олмади. "Бавария" таркиб билан боғлиқ муаммолар сабаб МЮнинг таклифини рад этди.

Қайд этиш керакки, Толиссо ўзининг "Бавария"даги ролидан норози. У катта эҳтимол билан келаси ёзда клубини тарк этади.

Мюнхен клуби Корентинни 2017 йилда "Лион"дан 41,5 миллион еврога харид қилган эди. Футболчи жорий мавсум Бундеслига доирасидаги 10та ўйинда майдонга тушиб, 1та гол уришга эришган.