"Бавария" сардори "Боруссия Д"га қарши ўйинни ўтказиб юборади

"Бавария" ярим ҳимоячиси Жошуа Кимич Бундеслиганинг 2 та ўйинига дисквалификация қилинди. Бу ҳақда Германия Футбол Иттифоқи сайти хабар берди.

Футболчи "Дармштадт"га қарши баҳсда майдондан четлатилгани учун жазоланди. Немис футболчиси ўшанда ўйиннинг 8-дақиқасида охирги чора сифатида қўполлик ишлатгани учун қизил карточка олди.

Шу тариқа, 28 ёшли хавбек Дортмунднинг "Боруссия" (4 ноябрь) ва "Хайденхайм" (11 ноябрь) клубларига қарши ўйинларни ўтказиб юборади.