"Бавария" ички лагеридан дараклар

Championat.asia ходими Шаҳбоз Беғамов ўзининг телеграмдаги саҳифасида BILD нашрига асосланган ҳолда, "Бавария"нинг яқин йиллардаги режаларини ошкор килди:

• Европа чемпионлар лигасини ютиш

• Бундеслигадаги яккаҳокимликни давом эттириш

• Келаси йили ёздаги трансфер бозорида 200 миллион евро сарфлаш

• Ули Ҳёнесс катта эҳтимол клуб президенти этиб қайта сайланади

• Карл-Хайнц Руммениггенинг 2019 йилдан кейинги фаолияти сўроқ остида

Kicker нашрининг ёзишича, Нико Ковач жамоани 3-5-2 тактик схемасида уйнатмоқчи. Мазкур жойлашувда Мюллер ёки Вагнер иккинчи ҳужумчи ролида ўз имкониятларини қўлга киритишлари мумкин. Шунингдек, бу схемада Мартинез учинчи марказий ҳимоячига айланиши кутилмоқда.

Kicker "Бавария" таркибини 3 тоифага ажратди:

1. Жамоа учун яқин келажакда муҳим аҳамиятга эга ва "Бавария"да қолиши керак бўлган футболчилар: Нойер, Ульрайх, Зюле, Киммих, Горецка, Тьяго, Толиссо, Коман, Гнабри, Левандовски.

2. Мавсум давомида ўзини яхши тарафлама кўрсатиб, турли-хил шубҳаларга чек куйиши ва ўйинини кучайтириши лозим бўлган футболчилар: Боатенг, Хуммельс, Алаба, Саншеш, Хамес, Мюллер, Вагнер.

3. Келаси йили жамоадан кетиши керак бўлган футболчилар: Рафинья, Мартинес, Роббен, Рибери.