Кюри 2015 йилда бразилияликни "Сантос"дан "Барселона"га ўтишида иштирок этган. Ўша пайтда Каталония клуби президенти бўлган Сандро Росель шартномага Неймарнинг навбатдаги трансферидан 3% маблағни Андре Кюрига бериш бандини киритган эди.
Кюри ҳужумчининг ишонган инсонларидан бири бўлган, шу сабабли "Барселона" футболчининг кетишига йўл қўймасликни сўраган. Шунга қарамай Неймар 2017 йилнинг ёзида 222 млн евро эвазига ПСЖга ўтади. Каталонияликлар Кюрига шартномадаги пулларни тўламоқчи эмас эди, бироқ барибир бу ишни бажаришди.
