"Барселона" ушбу ўйинда турнир жадвалида учинчи ўринда бораётган "Вильярреал"ни 4:1 ҳисобида таслим этди. Эътиборлиси, Ламин Ямал учта гол урган ҳолда хет-трик қайд этди.
Каталония жамоаси Ла Лигада 26 ўйиндан сўнг 64 очко жамғарган ҳолда биринчи ўринда кетмоқда, ундан кейинги ўринда битта кам баҳс ўтказган "Реал" 60 очко билан бормоқда. Учинчи ўриндаги "Вильярреал"нинг очкоси 51 тани ташкил этса, битта кам ўйин ўтказган "Атлетико" 48 очко тўплаган.
