"Барселона" Виллианни сотиб олмоқчи, "Челси" уни 80 млн. еврога баҳолади
03 июл 2018 17:12
Янгиликлар

"Барселона" Виллианни сотиб олмоқчи, "Челси" уни 80 млн. еврога баҳолади

Теглар : Виллиан

"Челси" ва Бразилия терма жамоаси ярим ҳимоячиси Виллиан ёзги трансфер ойнасида Лондон клубини тарк этиб, фаолиятини ЛаЛигада давом эттириши мумкин.

Маълумотларга кўра, футболчига "Атлетико"дан Антуан Гризманни харид қила олмаган "Барселона" жиддий қизиқиш билдирмоқда.

Виллианнинг ўзи бу трансферга яхши муносабатда. "Челси" ўз футболчиси билан хайрлашмоқчи эмас ва унинг нархини 80 млн. евро этиб белгилади, бироқ "Барселона" бу нархни катта деб ҳисобламоқда, чунки Виллиан августда 30 ёшга тўлади.

Агар Каталония клуби Паулиньо трансферида яхши пул ишлаб олса, улар "Челси" футболчи учун талаб қилаётган пулни тўлаши мумкин. Бразилиялик ярим ҳимоячига номи сир тутилаётган клуб қизиқиш билдирмоқда ва бу харид учун 50 млн. евро сарфлашга тайёр.

Олдинроқ, Виллиан хизматларига "Манчестер Юнайтед" қизиқиш билдирган эди.

Ҳавола :

Манба : Mundo Deportivo

Янгиликларни Телеграмда ўқинг!

Рейтинг: +11