"Барселона" Неймар ва отасидан "ўч олишни" бошлади

Аввалроқ бразилиялик ва клуб ўртасидаги шартномада 2017 йил 31 августга қадар «Барселона» сафида қолса, Неймар 26 миллион евро бонус пули олиши белгилаб қўйилгани эълон қилинган эди.

Бироқ, каталонияликларга футболчи Францияга йўл олгани ёқмаган чоғи, куни-кеча учиб кетган Неймар ва отасига "пулларни тушингда кўрасан" деб юборишди.

Бу борада жамоа матбуот котиби Хосеп Вивес шундай деди:

«Учта шарт бор эди. Биринчидан, футболчи 31 июлга 3 ой ва ундан камроқ муддат қолган вақт ичида бошқа клуб билан музокара олиб бормаслиги керак эди.

Иккинчидан, у келишув шартларини бажаришга тайёрлигини кенг оммага очиқ айтиши зарур эди. Ва учинчидан, 1 сентябрь куни Неймар "Барселона" таркибида бўлиши шарт эди.

Айнан шу бандларни бузгани учун клубнинг Неймарга ҳеч қандай бонус пули бериш нияти йўқ".

Эслатиб ўтамиз, Неймар куни-кеча ПСЖ клубига 222 миллион евро эвазига кўчиб ўтди.