"Барселона" Канселу ҳақидаги барча хабарларни сайт ва ижтимоий тармоқлардан ўчириб ташлади

"Барселона" Жоау Канселуннинг ўтиши ҳақидаги эълонларни олиб ташлади. Бугун Каталония клуби "Ал Ҳилол" ҳимоячисини мавсумнинг охиригача ижарага олганини маълум қилди.

Бироқ, кейинроқ "Барселона" Португалия терма жамоаси футболчисининг ўтиши ҳақидаги барча хабарларни ўз сайти ва ижтимоий тармоқларидан олиб ташлади. Ҳозирда сайтда фақат португалиялик тиббий кўрикдан ўтгани ҳақидаги маълумот қолган.

Каталониялик журналист Алфредо Мартинеснинг айтишича, эҳтимол, "Ал Ҳилол" талаб қилаётган ва яқин орада олиниши керак бўлган ҳужжат ҳали тақдим этилмаган. Аммо рақамлар ва бошқа тафсилотлар аллақачон тўлиқ келишиб олинган. Трансфер бекор бўлиш хавфи остида эмас.