“Барселона” Иньестага йилига 12 миллион евро беришга тайёр

Каталонияликлар клуби раҳбарияти футболчига йилига 12 миллион евро миқдоридаги маош таклиф этаяпти.

Турли хил бонуслар билан қўшиб ҳисоблаганда унинг маоши 15-16 миллион еврони ташкил этиши мумкин, деб хабар беради Marca.

Шундай қилиб Иньеста “Барселона” таркибида энг кўп маош оладиган иккинчи футболчига айланиши мумкин (биринчи ўринда – ҳужумчи Лионель Месси).

Эслатиб ўтамиз, “Барселона” Иньеста билан 2018 йилга қадар шартномани узайтиришни режалаштирган. Футболчининг амалдаги шартномаси 2015 йилга қадар давом этади.