"Барселона" дунёнинг энг қашшоқ давлатларидан бири билан ҳомийлик шартномасини имзолади

Маълум қилинишича, каталониялик мутахассислар Конгода спортни ривожлантириш учун ўз ишланмалари ва услублари билан ўртоқлашади. Африка давлатида бир вақтнинг ўзида бир нечта спорт турлари: футбол, баскетбол, гандбол ва бошқа кўплаб спорт турлари бўйича ёш спортчилар учун бир қатор ўқув-машғулот лагерлари бўлиб ўтади.

Бундан ташқари, "Барселона"нинг барча профессионал жамоаларининг машғулот формаларида кейинги тўрт мавсум давомида – 2028/29-йилги мавсум охиригача R.D. Congo – Cœur d’Afrique ("Конго ДР –  Африка юраги") логотипи акс эттирилади. Бунинг учун Конго ДР ҳукумати шартноманинг бутун муддати учун 44 миллион евро тўлайди.