Барча кутаётган ТОП-10 трансфер

Бироқ, жамоалар “юлдуз”ини қўлдан чиқариш нияти йўқ. Бундан ташқари, мавсум ўртасида ўйинчилар ҳам янги жамоада ўз ўрнини топиб олиши қийин масала. Бу ўринда, Гризманни бу рўйхатдан дарҳол чиқариб ташлаймиз. Сабаби, у қиш якунигача кескин бурилиш қилиши даргумон. Шундай экан, қуйида амалга ошиши кутилаётган трансферлар ҳақида сўз юритамиз.

10-ўрин. Леон Горецка («Шальке»)
Сиз бу йигитни Конфедерациялар Кубогидаги чиқишларидан яхши танийсиз. Иқтидорли Леон ёздан бери айниқса яхши ўйин кўрсатмоқда. Горецка «Шальке» билан янги шартнома имзолашга шошаётгани йўк. «Кўк ранглилар» сафидан кетиш нияти бўлса-да, агенти оркали «Бавария» билан музокара олиб бораётган Леон ҳанузгача клубдан розилик ололгани йўқ.

Трансфернинг амалга ошиш эҳтимоли: 95%. Агар “Бавария” билан шартнома имзоламаса, унда бор умидини «Ливерпуль»га боғлайди.

9-ўрин. Дэнни Роуз («Тоттенхэм»)
Қанот ҳимоячиси Уокерни йўқотгандан сўнг, “шпор”лар яна бир қанот ўйинчисидан айрилди. Уокернику лондонликлар сотишганди, аммо Роуздан сотмай туриб, айрилиб қолди. Сабаби, Дэнни клуб трансфер сиёсатини танқид қилиб, ўз жамоасига қарши чиқди. Бундай ҳолатлар асосан, ўзаро ҳал қилинади. Ўзбошимчалик туфайли Роуз захира ўриндиғидан мустаҳкам жой олди. Шундай экан, даъвогарлар бор пайтда уни тезроқ сотиб юбориш керак. Масалан, “МЮ”га чап қанот ҳимоячи зарар қилмасди.

Трансфернинг амалга ошиш эҳтимоли: 90%. Дэнни “шпор”лар асосий таркибига қайтиши жуда қийин.

8-ўрин. Сергей Милинкович-Савич («Лацио»)
Жозе ва Хосеп, ҳар иккиси ҳам, Савични ўйинини кундан-кунга кучайтира олаётган баланд бўйли серб сифатида таърифлаган. Сергей — ажойиб футболчи. У турли клубларга “сакраб” юришдан кўра, «Лацио» ўйинларини устун қўяди. Янгиликларга қараганда, хавбек учун “МС” ва “МЮ” клублари яхшигина маош тўлашга тайёр. ПСЖ ҳақида эса гапирмаса ҳам бўлади. Қизиқ, у қандай тўхтамга келар экан?!

Трансфернинг амалга ошиш эҳтимоли: 50%. Бироқ клубда “ЖЧ-2018дан сўнг сотамиз, ана ўшанда қимматроқ кетади” деган фикр ҳам йўқ эмас.

7-ўрин. Юлиан Дракслер (ПСЖ)
Юлиан Дракслер ҳужум гуруҳидаги катта харидларнинг аниқ қурбонларидан бири эди. Масалан, АПЛ турли жамоалари таркибида унга жой топилиши тайин.

Трансфернинг амалга ошиш эҳтимоли: 90%. «Арсенал» энг паст кўрсаткичи бўйича жаҳон чемпионига 40млн евро бермоқчи — ҳозирги нарх-навода арзимаган пул.

6-ўрин. Давид Луис («Челси»)
Агар Антонио Конте услубини ўзгартиргани рост бўлса, у ҳолда бу вазиятда трансфер юз бермайди. Бу ёш мураббийга хос жиҳатлардан бири. Давид Луис Конте билан жанжаллашиш учун баҳона топди. Бу «тизза жароҳати» туфайли майдонга тушмаслик бўлди. Натижада, у яна чамадонини йиғиштириш тараддудига тушиб қолди. «Арсенал» ҳатто «Бавария» ҳам Луисни сотиб олиш ҳаракатини бошламоқда.

Трансфернинг амалга ошиш эҳтимоли: 60 %. Давиднинг жахли бурнининг учида туради. Лекин гина сақлаб юрмаслиги унинг ижобий жиҳати ҳисобланади.

5-ўрин. Генрих Мхитарян («МЮ»)
Нима деб ўйлайсиз, Генрих «МЮ»да умрбод қолармикан ё бир йил, холосми? Моуриньонинг сўзларига қараганда ҳар бир футболчининг ўз нархи бор. Шу сабаб, у ҳеч кимни мажбуран ушлаб турмайди. Бу албатта, Жозе билан жанжаллашган Мхитарянга ҳам тегишли. Бу ҳолат эса «Интер»га ўйинчини қайта сотиб олиш имконини берди.

Трансфернинг амалга ошиш эҳтимоли: 90 %. Генрих захира ўриндиғида ўтиришга рози бўлиши қийин, «Интер»да эса у асосий таркибда ўйнаши деярли аниқ.

4-ўрин. Алексис Санчес («Арсенал»)
«Арсенал»нинг баъзи футболчилари Санчеснинг голларини нишонлашдан бош тортди. Лекин бу шунчаки таҳмин. Бироқ, шартнома амал қилиш муддати якунига етаётгани айни ҳақиқат. Чилилик ҳужумчи янги битим имзоламайди. «Арсенал» — ишбилармонлар клуби. Шунинг учун, жамоага вақти-вақти билан майдонга тушадиган “қандайдир” Алексисдан кўра, яхшигина даромад муҳим. Шундай экан, клуб ёзда уни “ҳадя” қилишдан, ҳозирнинг ўзида сотиб юборишни афзал кўрмоқда.

Трансфернинг амалга ошиш эҳтимоли: 20%-80 %. — ёзда уни мутлақо бепулга олиш мумкин.

3-ўрин. Мауро Икарди («Интер»)
Агар «Реал» бу мавсумда ҳали бирор титулга эга чиқмоқчи бўлса, жамоага ҳақиқий ҳужумчи керак. Бу Икарди бўлиши мумкин. Ахир футболда “содиқ” сўзини ишлатиш бироз хавфли. Масалан, Почеттинонинг Кейнга айтган мақтови — Гарри клубдан кетиши мумкинлигини билдирмайди. Бироқ, агар инглиз футболчи ўз клуби билан чинакамига жанжаллашиб қолмаса, у ҳолда «Реал» «Интер» сардори билан шартнома имзолаши мумкин. Икарди Бенземадан ёмон эмас — бу аниқ!

Трансфернинг амалга ошиш эҳтимоли: 60 %. У «Реал»га керак, лекин Перес Кейнни клубга олиб келишни орзу қилмоқда. «Шпорлар» эса ҳозирча бунга йўл қўймаяпти.

2-ўрин Месут Озил («Арсенал»)
Жозе Мхитаряннинг ўрнига бошқа ўйинчи қидирмоқда. Мата — ажойиб ва ақлли футболчи, «МЮ»нинг бошқа ярим ҳимоячиларига нисбатан, клубга кўпроқ фойда келтирган. Бироқ Моуриньо учун испаниялик ҳали идеал даражадаги ўйинчи эмас. Тўғри, Ўзил ҳар доим ҳам Жозени хурсанд қилмаган бўлса-да, жаҳон чемпионини арзимаган пулга сотиб олиш — португалияликнинг ютуғи бўлган. Моуриньо бу сафар Месут майдонда сайр қилмай, шиддат билан ўйнашига ишончи комил.

Трансфернинг амалга ошиш эҳтимоли: 95 % Сабаби, Жозе яна бир бор Венгернинг томорқасига тош отиб, Арсен қолади деган Ўзилни сотиб олиш имкониятини қўлдан чиқармайди.

1-ўрин. Филиппе Коутиньо («Ливерпуль»)
Бу трансфер ёздаёқ амалга ошиши мумкин эди. Бироқ, кейин баъзи кийинчиликлар юзага келди. Она юрти Бразилияда, ана боринг бутун Жанубий Америкада Коутиньонинг кимлигини унча-мунча одам билмасди, «Nike» компанияси трансфер хакида расмий баёнот берилмасидан олдин маълумот берди. Энди «Ливерпуль» махфий маълумотни учинчи шахсларга маълум килганликлари учун бадал тўлови ундириш мақсадида судга мурожаат қилади. Унинг вакиллари эса Коутиньонинг нархини энг юқори даражагача кўтаришга ваъда беришди.

Трансфер амалга ошишининг эҳтимоли: 99 %. Турли манбалар маълумотига кўра, «Барселона» 150 млндан 175 млн еврогача тўлаши мумкин. Шунинг учун, Коутиньони бу хафта «кўк-анорранглилар» футболчиси деб таништирилишини кутиб қоламиз.

Одатда қишки трнасферлар — хавфли ва кутилмаган бўлади. Ҳамма шартномалар ҳам амалга ошавермайди. Лекин «Ливепуль»дан ҳамма нарсани кутса бўлади.

Сабаби оддий — ЖЧ-2018дан кейин нархлар кўтарилиб, ёки тушиб кетиши мумкин. Шундай экан, ёзгача кутишнинг нима кераги бор?

Нозима Зарипова таржима қилди