Баҳром Ҳайдаров: “Дурангни ёмон натижа деб ҳисоблайман”
24 сен 2024 21:40
Янгиликлар

Баҳром Ҳайдаров: “Дурангни ёмон натижа деб ҳисоблайман”

Про лиганинг 21-туридан ўрин олган “Шўртан” - “Қўқон-1912” (1:1) учрашувидан сўнг меҳмонлар бош мураббийи Баҳром Ҳайдаров матбуот анжуманида иштирок этди.

Ўйин ҳақида

- Ҳисоб 1:1 кўринишда бўлиши қайсидир маънода адолатли натижа. Лекин “Шўртан” ҳам, биз ҳам ютиб кетишимиз мумкин бўлган ўйин эди. Вазиятларни якунлашда маҳорат етишмаяпти. Икки жамоа ҳам тенг ўйин кўрсатди. Биринчи бўлимда фаоллик биз томонда бўлди, голдан сўнг шу руҳда давом эта олмадик. Бизга ҳар бир ўйинда 3 очко керак, чунки айни дамда турнир жадвалида 5-ўриндамиз. Дурангни ёмон натижа деб ҳисоблайман.

- Гол ўтказиб юбориш жисмоний ҳолат билан боғлиқми ёки жамоа ғалаба қозондик деган руҳият билан ўйнадими?

- Жисмоний ҳолатимиз жуда зўр бўлмаса ҳам, ҳархолда яхши. Ҳозирги вазиятда ёмон эмас. Охирги дақиқаларга қадар ҳужумкор ўйнадик. Гол ўтказиб юбориш индивудиал хатолар эвазига юзага келди. Шунинг натижасида асабийлик кузатилди.

- Бугунги дуранг жамоа мақсадларига етишиш ёки етишмаслиги учун қанчалик таъсир кўрсатади?

- Бир томондан бугун “Шўртан” ғалабага эришганида биздан анчайин ўтиб кетарди. Сафарда “Шўртан” билан ўйинда очко олиш ёмон натижа эмас аслида. Лекин биз ҳар ўйинда 3 очко олсак, мақсадга эришамиз. Дуранглар ҳам биз учун ёмон натижага айланиб қолаяпти. Ҳали имкониятимиз бор. Олдиндаги тур ўйинларида жиддий курашамиз.

Ҳавола :

Манба : championat.asia

Янгиликларни Телеграмда ўқинг!

Рейтинг: -3