Баҳодир Шамсиддинов: "Хоразм"га ачинарли тарзда мағлуб бўлдик. "Истиқлол"нинг мақсади - Суперлигага чиқиш"

"Чиройли ўйин бўлди, мухлислар билан тўла трибуна остида ажойиб ўйин гувоҳига айландик. Ачинарлиси "Хоразм"да деярли вазиятлар бўлмади узоқдан чиройли гол уришди, иккинчи таймда ташаббус биз томонда бўлди. Иккинчи голда ҳеч кимни айблаб бўлмайди, рақиб футболчиси ажойиб зарба берди. "Хоразм"ни ғалаба билан табриклайман, кейинги ўйинларда омад тилайман. Биз эса бугунги ўйиндан хулоса чиқариб тайёргарлик олиб борамиз.

Мавсумга тайёргарлик жараёнидан кўнглимиз тўлди.

Махсталиев, Мамазулумов ва Саидовнинг спорт формаси? Сиз айтган футболчиларнинг бари тажрибали. Тўғри уларнинг ёши катта бўлиши мумкин, аммо тажриба катта. Мамазулумов захирадан майдонга тушиб вазиятларга эга бўлди, бироқ ура олмади. Махсталиев асосий таркиб футболчиси, захирадан майдонга тушириб ўйинни кучайтиришга ҳаракат қилдик.

"Истиқлол"нинг вазифаси - Суперлига! Молиявий ҳолатимиз яхши, ёмон эмас. Ўтган йилдан қарздорликлар йўқ. Раҳбариятимиз ҳар томонлама шароитлар яратиб берилмоқда", - дейди Баҳодир Шамсиддинов.