Баҳодир Қосимов: “Жамоамиз жуда ёш”
16 май 20:07
Янгиликлар

Баҳодир Қосимов: “Жамоамиз жуда ёш”

“Нефтчи” ҳамда “Қизилқум” (1:0) аёллар жамоалари ўртасидаги баҳсдан сўнг фарғоналиклар бош мураббийи Баҳодир Қосимов ўз фикрларини билдириб ўтди.

- Мавсумдаги биринчи ғалабани қўлга киритдик. Жамоанинг жисмоний ҳолати турдан турга яхшиланиб бормоқда. Фақат футболчиларнинг техникаси борасида бироз оқсаяпмиз. Лекин вақт ўтган сари шу тарафдан ҳам ўсишга эришамиз деб ўйлайман. Бунинг учун машғулотларда астойдил меҳнат қилиш керак.

- Кетма-кет мағлубиятлардан сўнг ниҳоят ғалабага эришилди. Ўтган турларда муваффақият учун нима етишмаётганди?

- Очиғи, “Нефтчи” бугунги кунда Ўзбекистоннинг энг ёш аёллар жамоаси ҳисобланади. Жамоа ичида биринчи марта профессионал клуб сафида тўп сураётганлар ҳам бор. Бироқ шунга қарамай, қизларимиз ўз устиларида ишлаб олдинга интиляптилар. Насиб қилса, кейинги ўйинларда ҳам ғалаба қозонамиз.

Ҳожиакбар Жабборов