UZ

Сўнгги янгиликлар

11:00“Милан“ юлдузини “Ливерпул“га битта шарт билан сотишга тайёр  0 10:48Аброр Пирриев допинг текшируви ўтказиш учун допинг офицерларини жамоамиз истиқомат қилаётган меҳмонхонага ташрифи борасидаги саволга жавоб берди  5 10:36“Ал Ҳилол“ ТОП форвардга йига 40 миллион евро таклиф қилди  0 10:11Халқаро спорт тадқиқотлари маркази (CIES) энг қиммат футболчилар рейтингини янгилади  5 09:44Ўтган мавсум А Серияда 11 та гол урган ҳужумчи фаолиятини “Рома“да давом эттириши мумкин  0 09:17УEФА Чемпионлар Лигасининг янги мавсумида “Барселона“ни очколардан маҳрум қилиши мумкин  21 08:50Goal «Олтин тўп»ни ютишга даъвогарлар рейтингини янгилади. ПСЖнинг уч нафар футболчиси ТОП-10 га илк бор киришди  12 08:23“Реал Мадрид“ яна бир трансфер бўйича ишни якунлади  14 07:56Бугун Ўзбекистон ОТЖ Францияга қарши баҳс олиб боради  9 07:23БАА Спорт вазирлиги "Ҳаммамиз оқлар тарафидамиз" кампаниясини ўтказмоқда: Спорт федерацияларига бепул чипталар тарқатиляпти  32 00:44Сон Хён Мин "Тоттенхэм"ни тарк этиши ва Саудия клубига ўтиши мумкин?!  1 00:19Лука Модрич янги клуби билан қачон шартнома имзолайди?  1 23:44"Тоттенхэм" янги уй либосини тақдим этди  2 22:42Инзаги "Ал Ҳилол"да қанча маош олади?  3 22:07ПСЖ украиналик футболчини ўз сафига қўшиб олмоқчи, аммо...  2

БАА кундалиги: Шаржада "йўқотилган" вақт Янгиликлар

БАА кундалиги: Шаржада "йўқотилган" вақт

Championat.asia сайтининг 5 нафар ходимидан иборат делегация БААга етиб келди.

Кеча, 1 июнь куни Championat.asia вакиллари – Нодирхўжа Юлдашев, Жаҳонгир Файзуллаев, Самандар Шокиров, Абдулвосит Бектемиров ва камина Шерзод Нурматов яхши ният билан БАА сафарига отландик.

Air Arabia авиакомпаниясининг Airbus A320 самолёти тахминан 14:10 да учиб, маҳаллий вақт билан 16:35 да МТЖ етакчиларидан бири Отабек Шукуров 5 йил яшаган замин – Шаржа шаҳрига келиб қўнди.

Ҳаво лайнери қўнгач, перрон автобуслари (йўловчиларни терминалдан самолётгача ёки самолётдан терминалгача ташийдиган автобус – таҳр.) бизни терминалга элтиб қўйди. У ерда икки кишини "сюрприз" кутаётганини биз ҳали билмасдик. Тошкент – Шаржа йўналишида келганлар бирин-кетин паспорт назоратидан автоматик равишда ўтиб кетиш учун мўлжалланган ускуна – smart gate орқали ўтиб кета бошлади. Мен ва оператор Самандар Шокиров илк бор БААга келганимиз боис паспортимиз тизимда хатолик кўрсатди ва биз "тўсиқ"дан ўтиб кета олмадик. Гап шундаки, тушунарсиз сабабга кўра БААга илк бор келганлар smart gate'дан ўта олишмаяпти. 

Аэропорт ходимларидан ёрдам сўраганимизда, улар бизни паспорт назорати билан шуғулланувчи ходим томон юборишди. У биз ва тахминан яна 10-15 нафар ўзбекистонликларга сўровнома (анкета) тўлдиришни буюрди. Сўровнома тўлдирганимиздан сўнг у паспорт ва анкеталарни олиб, дипломатия ходимлари ўтирадиган хонага олиб кетди. Шундан сўнг у ерда узоқ муҳокама давом этди ва ҳужжатларимиз шу билан ичкарида қолди. "Бизнинг ишларимиз нима бўлди?" дея кўп бор сўраганимизда қарамай, аниқ бир жавоб беришмади. Бир ходимнинг иш вақти тугаб, иккинчиси келганида, ниҳоят, бизнинг ишимиз битадиган бўлди. 5 соатдан узоқ вақт давом этган кутишдан кейин паспортларимизни бизга торширишди. Унга арабча ёзувдаги махсус стикер ёпиштириб қўйилганди, уни ҳатто махсус таржимон дастурларида ҳам ўгира олмадик. Паспорт назорати ходими уни ўқиди ва камерага қарашни буюрди. Хайриятки, ҳаммаси ижобий ҳал бўлди ва биз Шаржа аэропортидан очиқ ҳавода нафас олишни бошладик. Тўғри, ҳаво анча нам, лекин ичкарида сабабсиз ва соатлаб кутишдан анча дуруст, мен сизга айтсам. 

Дарҳақиқат, араб дипломатларидан бири билан суҳбатлашганимизда у Отабек Шукуров ва Азиз Ғаниевни яхши танишини билдириб, улар ҳақида илиқ фикрларни айтди. Кейин эса БАА – Ўзбекистон учрашувида қандай ҳисоб қайд этилишини сўради. Мен дипломатик жавоб қайтариб, 1:1 деб қўя қолдим. Аслида эса термамизга ишонаман ва биз ҳисобдан қатъи назар албатта ғалаба қозонамиз. Шунчаки ичимда ўйлаб турган ҳисобни айтганимда, аэропортда яна нимадир воқеликлар бошланиб кетишидан чўчидим.

Ҳа, шундай қилиб, биз бир амаллаб аэропортдан чиқдик ва Шаржадан Дубайга йўл олдик. Таксига миниб, тахминан 50 дақиқада ўз меҳмонхонамизга етиб келдик. 

Энди МТЖ машғулотларни ёпиқ ҳолда ўтказаётгани муносабати билан ўйин бўлиб ўтадиган стадион ва унинг атрофидаги вазиятни ўрганамиз. 


Шерзод Нурматов

Дубай, БАА

Муаллиф : Sherzod Nurmatov
Рейтинг: +8   

Фикрлар

+3   
02 июн 15:04:07
Akramjon Halilov
Ҳамма нарсадан муаммо қидириш керак эмас, хақиқатан ҳам улар ўз ишини тўғри бажараётган бўлиши мумкин,ахир яқинда ўзбекистонликлар ўлим жазосини олдику жиноят содир этиб.
+1   
02 июн 21:38:38
Shavkat Xamzaliyev
Уйинчиларимизни макташни оширворасанлар журналистхонлар
+1   
02 июн 21:37:47
Shavkat Xamzaliyev
Ажаб бупти журналистлар мактанчоксан хамманг
+1   
02 июн 15:30:31
International
Ravvinni o'ldirgan, Dubai ko'chalarida pichoqbozlik qilgan va mahalliy aholini aldab kreditga kafil qilib bankdan pul olib survorvotgan "Vatandosh" deyishga uyalaman, hayvondanam battar kimsalarga bu uchun rahmat etib qo'yish kere.
+1   
02 июн 15:05:48
assassin
Кайсидир яхши инсонларнинг дубайда курсатган кароматларидан кейин Узбекистон учун кириш проблема була бошлади
+1   
02 июн 15:01:21
Davronbek Olimjonov
Shunaqa tafsilotli maqolalar kutamiz, o'quvchiga qiziq. BAA bilan o'yinga ko'pchilik borib ko'rishni maqsad qilgandi, TAshqi ishlar vazirligi bundan qaytarmoqda, muhimi termamiz g'alaba qozonsin.
   
03 июн 23:01:08
Ота макон
Мен хам 4 кун аввал Абу-Даби аеропортида булгандим, худди шундай холат. Биз узбекларга жуда совук муносабатда булишмокда. Битта йулинг Тошкентга кайтиш дейишди. Паспортимдаги Европа визаси мени куткариб кетди.
   
03 июн 07:08:52
Sho‘rchidan
Bechora jurnalistlar. Rosa qiynalibsilar a? Tekin sayohat mazzami? Sen dumbullarni Rossiyadagi migratsiyonniy sentrda tik oyoqda bir necha kunlab dokumentga ochertda turgan o‘zbeklarimizni ichiga tiqib qo‘yish kerak senlarni. Keyin ko‘rasan yo‘qotilgan vaqtni. Maqolangga senlarni.
   
03 июн 03:41:46
Google User
Hali o'yin tugab O'zbekiston g'alaba qozonib, uyga qaytayotganida arablarning haqiqiy basharasi ko'rinadi. Kibrlik odam shaytondan battar bo'ladi
   
02 июн 18:09:45
Юнусов Ойбек
Biz xam anovi foʻtbolchini kirgizmadikku oʻshanga javob boʻlibdida
-1   
02 июн 17:18:40
I love Kokand
Савияли, сарлавҳали мақола. Ўқидим оҳиригача. Омад яҳши ишланг, галабадан кейин яҳши дам олинг.
-1   
02 июн 14:41:11
Integrity
Faqat Dubaiga Ichishi kerak. AD va Sharjah ayraportda o’yin qiladi.
championat.asia
< сўнгги янгиликларни кўриш
Яндекс.Метрика