Бир неча дақиқа аввал мазкур жамоа "Банияс" меҳмони бўлди ва иродали ғалабани қўлга киритди. Учрашувнинг 3-дақиқасида Сухаил Ахмед Ал Нуби тезкор голи эвазига ҳисобни очган бўлса, биринчи бўлим якунланишга 10 дақиқа қолганида Игор Коронадо мувозанатни тиклади - 1:1. Иккинчи бўлимнинг 74-дақиқасида Коронадо пенальтини аниқ амалга оширган ҳолда "Шаржа"га 3 очко келтирган гол муаллифига айланди. Баҳсда Отабек Шукуров жароҳати боис иштирок этмади.
Ушбу ғалабадан сўнг, шаржаликлар ҳисобидаги очко 50 тага етди. Уларнинг энг яқин таъқибчиси "Ал Айн" 38 очкога ва 1 та ўйин захирасига эга бўлиб турибди.
