Азизжон Ғаниев учун чемпионлик мавсуми қандай ўтди?
26 май 2023 15:26
Янгиликлар

Азизжон Ғаниев учун чемпионлик мавсуми қандай ўтди?

Ўзбекистон терма жамоаси ярим ҳимоячиси Азизжон Ғаниев БААнинг "Шабаб Ал Аҳли" клубида фаолият олиб бормоқда.

Бу мавсум Ғаниев "Шабаб Ал Аҳли" билан бирга БАА чемпионига айланди. Маълумот учун, ўзбекистонлик ярим ҳимоячи БАА чемпионатида барча 26та ўйинда майдонга тушди ва 2026 дақиқа ҳаракат қилди. Ғаниев 3та гол урди ва 4та голли пас берди.

Эслатиб ўтамиз, Азизжон Ғаниев 2020 йилдан буён "Шабаб Ал Аҳли" сафида барча совринларни ютди: БАА чемпиони бўлди, БАА Суперкубоги, БАА Лига кубоги ва БАА Президенти кубогини қўлга киритди.
Championat.asia сайти Ғаниевнинг ўтган мавсумдаги фойдали ҳаракатларидан тўпланган видеони тайёрлади.