Азиз Ибрагимов Ўзбекистон - Австралия ( 0:6) учрашувида аслида нима бўлганини айтди
13 янв 15:18
Янгиликлар

Азиз Ибрагимов Ўзбекистон - Австралия ( 0:6) учрашувида аслида нима бўлганини айтди

Кеча "Тезкор Студия"нинг Осиё Кубогига бағишланган сони бўлиб ўтди.

Ўзбекистон терма жамоаси билан 2та Осиё Кубогида қатнашган Азиз Ибрагимов кўрсатувнинг меҳмони бўлди. Унда дастлаб ўзи қатнашган мусобақаларга тўхталди ва 2011 йил Австралия (0:6) билан учрашувни ёдга олди.

"Австралия билан ўйинда захирадан майдонга тушганман. Ўша пайт 0:3 ҳисобида мағлубиятга учраётган эдик. Улуғбек Бакаев қизил карточка олгач, Вадим Карленович мени ўнг қанотга туширган. Бир киши кам бўлсак ҳам ҳужумга ўтяпман. Абрамов орқага қайтишини айтяпти. Билсам, ҳисоб йирик бўлиб кетмаслигини олдини олиш учун ўнг қанот ҳимояга қўйган экан. Австралия ўшанда жуда кучли эди",- дейди Азиз Ибрагимов.