Азиз Ибрагимов: “Голларим жамоамга ёрдам берганидан хурсандман”
30 май 2016 10:05
Янгиликлар

Азиз Ибрагимов: “Голларим жамоамга ёрдам берганидан хурсандман”

“Бухоро” — “Навбаҳор” жамоалари учрашуви (3:2) якунлангач, бухороликлар ярим ҳимоячиси, учрашувда “дубль” қайд этган Азиз Ибрагимовнинг ўйин ҳақидаги фикри билан қизиқдик.

— Бугунги ғалаба билан барча “Бухоро” мухлисларини табриклайман, — дейди Ибрагимов. — Учрашув ниҳоятда қийин кечди. “Навбаҳор” жамоаси ҳам ушбу ўйинга уч очко учун келишганлиги уларнинг ҳужумкор ўйинидан билиниб турди. Ўйлайманки ўйинни ўз фойдамизга ҳал этиб, мухлислар олдида юзимизни ёруғ қилдик. Айниқса учрашувда дубл қайд этиб, командага ёрдам берганимдан хурсандман. Киритган голларим учун жамоадошларимга раҳмат айтаман.

Тўғри тўпга эгалик қилишда вазият меҳмонлар томонида бўлди. Аммо футболда тўпга кўп эга чиққан жамоа эмас, вазиятлардан фойдаланиб, гол киритган жамоа ғолиб бўлади. Қолаверса, жамоамизда толиқиш сезилди. Балки “Пахтакор” билан кубок доирасида ўтказилган ўта қийин икки учрашувда кўп куч йўқотгандирмиз. Кейинги ўйинларгача ушбу чарчоқни тарқатиб, яна ўз “форма”мизни тиклашга ва мухлисларга улар кутган чиройли ўйинларни туҳфа этишга муваффақ бўламиз, - дейди футболчи.

“Бухоро” ПФК Матбуот хизмати.

Ҳавола :

Манба : championat.asia

Янгиликларни Телеграмда ўқинг!

Рейтинг: +9