Азим Аҳмедов: "Хатоларим учун узр сўрайман"
25 фев 2016 16:11
Янгиликлар

Азим Аҳмедов: "Хатоларим учун узр сўрайман"

"Пахтакор" - "Ал Ҳилол" учрашувидан сўнг Азим Аҳмедов микст зонада ОАВ саволларига жавоб қайтарди.

- Азим, бугунги ўйиндаги вазиятларингиздан келиб чиқсак, олий лига ва ОЧЛ ўртасидаги тафовутни яққол сездингизми?
- Бу мусобақада дебют ўйинимни ўтказдим, ўзимни ўйинимга қониқарсиз баҳо қўяман. Олий лига ва ОЧЛ ўртасидаги фарқнинг катталигига майдонга тушгач ўзим яна бир бор амин бўлдим. Олий лигада йўқотилган очколарни кейинги ўйинларда тўлдириб олишингиз мумкин, бу ерда эса йўқ. Шунинг учун бугун йўл қўйган хатоларим учун мухлислардан узр сўрайман.

- Мавсум давомида марказий ҳимоячи ампуласида тўп тепаётган эдингиз, бугун эса сизни Кахи Махарадзега тегишли бўлган нуқтада кўрдик.
- Футболчи мураббийнинг ихтиёридаги киши ҳисобланади. Мураббий қаердан бизга жой берса, ўша нуқтада вазифамизни бажаришимиз керак. Бугун марказий ҳимояда Камол ака (Тожиев) ва Аднан ўйнади. Мен эса Жавоҳир билан олдироқда ҳаракат қилдик. Соҳибовга ўткан йили тўплаган тажрибаси иш берди. Ҳали ўрганишим керак бўлган жиҳатлар кўплиги мана шу биргина ўйинда билинди. Бугунги ўйин мен учун катта мактаб бўлди, яна бир бор бизга мухлислик қилганлардан узр сўрайман.

Ҳавола :

Манба : championat.asia

Янгиликларни Телеграмда ўқинг!

Рейтинг: +1