Австралиялик журналист: "Менимча, Ўзбекистон 3:1 ҳисобида ғалаба қозонади"

Вакилларимиз илк учрашувни КХДР термасига қарши ўтказишади. Ўйин бошланишига жуда кам вақт қолаётган бир пайтда Сиднейда чоп этиладиган "Goal Weekly" ҳафталик журнали мухбири Пабло Бэйтсон фикрлари билан қизиқдик.

"Мен Ўзбекистонда бўлганман, - дея гап бошлади ҳамкасбимиз. - 2008 йил ўтказилган Ўзбекистон - Австралия (ЖЧ-2010 саралаш) баҳсини кўриш учун Тошкентга боргандим. Жуда чиройли ўйин бўлганди ўшанда. Кейинчалик сизнинг жамоангиз иштирокидаги ўйинларни Осиё Кубоги-2011да ҳам кузатдим".

"Ўзбекистонни мен кучли жамоа деб биламан. Сизларда ҳам тажрибали, ҳам ёш ўйинчилар бор. Ўйлашимча, КХДР устидан бемалол ғалаба қозона оласизлар. Менимча, якуний ҳисоб Ўзбекистон фойдасига 3:1 бўлади".

Х.Холиқов
Сидней, Австралия