Австралия термаси футболчиси: "Ўзбекистондан очиқ ўйин кутяпмиз. Бу биз учун ҳам қулай"
22 янв 2024 21:13
Янгиликлар
Австралия термаси футболчиси: "Ўзбекистондан очиқ ўйин кутяпмиз. Бу биз учун ҳам қулай"
Австралия терма жамоаси ярим ҳимоячиси Айден О'Нил Ўзбекистонга қарши ўйин ҳақида фикр билдирди. Ҳимоячининг фикрича, Австралия эртага Ўзбекистонни мағлуб қилиш йўлини топади.
"Кундек равшанки, биз Осиё кубогини қўлга киритмоқчимиз.
"Фикримча, Ўзбекистон биз билан олдинги рақибларимизга қараганда очиқроқ ўйин кўрсатади. Дастлабки икки учрашувда Ҳиндистон ва Сурия чуқур ҳимояда ўйнаганди. Биз эса бу учрашувларда уларнинг ҳимоясини ёриб ўта олдик ва натижага эришдик.
Бу сафар эса мен Ўзбекистондан бироз очиқ ўйин кутяпман. Рақибнинг бу услубда ҳаракат қилиши биз учун ҳам қулай. Ўзбекистон бизга қарши кўпроқ прессинг қилади деб ўйлайман. Рақиб бу ишни биз каби бажаришга ҳаракат қилса, уларни жазолаб қўямиз.
Таркибимиз энг кучлилардан Австралия терма жамоаси билан биринчи халқаро совринимни ютмоқчиман. Ростини айтсам, ҳар бир лаҳзадан баҳра оляпман. Ҳар бир учрашувда бирма-бир ғалаба қайд этиб борамиз. Бу жамоамизнинг менталитети", - Айден О'Нил.
Маълумот учун, Австралия ва Ўзбекистон терма жамоалари ўртасидаги учинчи тур ўйини эртага, Тошкент вақти билан соат 16:30 да старт олади.
Ўхшаш янгиликлар
championat.asia
CAFA Nations Cup. Ўзбекистон 10 киши бўлиб қолган Қирғиз Республикасини йирик ҳисобда енгди. Финалдаги рақиб – Эрон
Бенту қўлдан чиқди, навбат Гжегож Бржэнчшчикиевичга
U-23 Осиё Кубоги саралаш босқичи. Ўзбекистон Қирғизистон билан дуранг ўйнади
Станислав Черчесов: "Ўзбекистонни умуман билмайдиган ва кўп нозик жиҳатлардан бехабар чет эллик мураббийнинг дарҳол натижа келтиришига ҳеч ким кафолат бера олмайди"
Фикрлар