Авазбек Ўлмасалиев: "Миллий терма жамоага илк маротаба чақирилганимдан хурсандман"
24 авг 2025 11:32
Янгиликлар

Авазбек Ўлмасалиев: "Миллий терма жамоага илк маротаба чақирилганимдан хурсандман"

Суперлиганинг 20-туридан ўрин олган ОКМК – "Хоразм" (3:1) учрашувидан сўнг мезбонлар ҳимоячиси Авазбек Ўлмасалиев ўз фикрлари билан ўртоқлашди.

- Бугунги ўйин ҳақида...

- Барчани қийин ғалаба билан табриклайман. Ўйин шундай руҳда кечишини билардик. Имкониятлардан фойдаланиб, уч очкони қўлга киритдик.

- ОКМКнинг охирги ўйинлардаги муваффақиятсизлиги ҳақида...

- Ҳар қандай ўйиннинг ўзига яраша қийинчилиги бор. Ҳар бир ўйинга ғалаба учун майдонга чиқамиз.

- Терма жамоага чақирилгани ҳақида...

- Бу янгилик билан барча жамоадошларим, яқинларим, илк навбатда, оила аъзоларим табриклади. Расмий равишда биринчи маротаба миллий терма жамоага чақирилганимдан хурсандман. Худо хоҳласа, бу жараён давомий бўлиши учун ҳаракат қиламан.