UZ

Сўнгги янгиликлар

Авазбек Ўлмасалиев: "Кейинги икки ўйинда ҳам фақат ғалаба учун майдонга тушамиз" Янгиликлар

Авазбек Ўлмасалиев: "Кейинги икки ўйинда ҳам фақат ғалаба учун майдонга тушамиз"

Суперлига 24-туридан ўрин олган "Бунёдкор" - "Сурхон" (2:1) учрашувидан кейин мезбонлар ҳимоячиси Авазбек Ўлмасалиев фикрларига қулоқ тутдик.

"Биз "Сурхон" билан ўйинга жиддий тайёргарлик кўргандик. Турнир жадвалида икки жамоа ҳам ёнма-ён жойлашгани сабаб очко йўқотишга хаққимиз йўқ эди. Айтиш керакки, термизликларга қарши тактикамизни ўзгартириб ўйнашга қарор қилдик. Менимча, бу ўзини оқлади. Умуман олганда, жуда яхши ўйин ўтказдик.

Тўғриси, Фарруҳ голни нишонлаш вақтида ортиқча ҳаракат қилгани йўқ. Узоқ вақт ўйнагани йўқ. Сафга қайтиши ва гол ургани сабаб голини шу тариқа нишонлади холос. Нима бўлганда ҳам Фарруҳни сафга қайтиши ва голи билан табриклайман.

Олдимизда турган икки ўйинда ҳам ғалаба учун ҳаракат қиламиз. Ушбу баҳсларда муваффақият қозониб, турнир жадвалидаги ҳолатимизни яхшилашга эътибор қаратамиз.

Тўғриси, келгуси мавсум борасида ўйлаганим йўқ. Мавсумни яхши тугатиб олганимиздан кейин, бу ҳақда ўйлаб кўрамиз", - дея сўзини якунлади Ўлмасалиев.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика