"Атлетико" Саулга нарх белгилади

"Атлетико" 25 ёшли испаниялик футболчини фақатгина 150 миллион еврога сотишга тайёр. Ушбу нарх Сауль билан имзоланган шартномада ёзилган.

Мадрид клуби бу пулдан камроқ таклиф қилган жамоа билан ҳаттоки музокара ҳам олиб бормайди.

Олдинроқ, Саулга "Манчестер Юнайтед"дан қизиқиш бўлаётганди. Аммо, инглиз клуби испаниялик учун 80 миллион евродан кўп тўлашга тайёр эмас.

Испания терма жамоаси футболчиси жорий мавсум "Атлетико" либосида Ла Лигада 26та ўйинда майдонга тушиб, 3та гол уришга эришган.