"Атлетико" Испания терма жамоаси ҳужумчисини сотиб олмоқчи
12 авг 18:31
Янгиликлар

"Атлетико" Испания терма жамоаси ҳужумчисини сотиб олмоқчи

"Валенсия" ҳужумчиси Родриго Морено шу ёзда жамоадан кетиши мумкин.

28 ёшли футболчи учун "Атлетико" жиддий рақобатлашмоқда. "Матрасчилар" ўйинчига "Реал" ярим ҳимоячиси Хамес Родригесни қўлга кирита олмаганларидан сўнг эътибор қаратишмоқда. "Атлетико" яқин вақтларда Родриго учун таклиф тайёрламоқчи. "Валенсия" эса футболчини 60 миллион еврога қўйиб юборишга тайёр.

Олдинроқ, Родригонинг хизматларига "Барселона" ва "Наполи" клублари жиддий қизиқиш билдираётган эди.

Родриго "Реал" тарбияланувчиси ҳисобланади. У "Валенсия"га 2015 йил ёзда "Бенфика"дан ўтган эди. Трансфер нархи эса 30 миллион еврони ташкил этган.

Форвард якунланган мавсум Ла Лигада 33та ўйинда майдонга тушиб, 8та гол ва 6та ассист қайд этган.

Родриго Морено 2014 йилдан бери Испания терма жамоаси шарафини ҳимоя қилади.