27 ёшли футболчи Мадрид клуби билан 2031 йилнинг 30 июнига қадар шартнома имзолади.
Испания клуби ярим ҳимоячи учун 40 миллион евро ва бонуслар тўлайди. Аввалроқ битимнинг умумий суммаси 45 миллион еврога етиши мумкинлиги хабар қилинганди.
Юлманд 2023 йилдан бери "Спортинг"да ўйнаётган ва сардорлик боғичига эга эди. Даниялик футболчи Лиссабон клуби сафида 141 та ўйин ўтказиб, икки марта Португалия чемпионати ва бир марта мамлакат кубогини қўлга киритди. Ярим ҳимоячи ўтган мавсумда Португалия чемпионатида 27 та ўйинда 3 та гол урди ва 4 та голли узатмани амалга оширди.
Юлманд Дания терма жамоаси сафида 27 та ўйин ўтказган.
