"Атланта"дан истеъфога чиқарилган Хайнце футболчиларга кўп сув ичишга рухсат бермаганмиди?

Айтилишича, бунга бошқарув билан боғлик бир нечта сабаблар бор.

"Клуб учун тўғри қарорга келдик. Хайнце — шубҳасиз, ўз қарашларига эга иқтидорли мураббий. Биз унга келгусида омад тилаймиз", – дейилади клуб баёнотида. 

Маълумотларга қараганда, MLS футболчилар ассоциацияси "Атланта" ўйинчилари номидан лигага шикоят қилган. Мураббий мавсумолди йиғинда ўйинчиларга кўп сув ичишни тақиқлаган, ҳатто вазиятга шифокорлар аралашишига тўғри келган. Шунингдек, Хайнце футболчиларга таътил беришни хоҳламаган, ҳар қандай ҳолатда унинг қўнғироқларига жавоб беришларини ва машғулотларга етиб келишларини талаб қилган.