Асрор Алиқулов: "Охиригача курашишни мақсад қилганмиз"

- Барча мухлисларимизни ғалаба билан табриклайман. Ўйиндан аввал "Хоразм" ёпиқ ўйин намойиш этишини кутгандик. Шу сабабдан кўпроқ қанотлар орқали ҳужум қилишни мақсад қилгандик ва бир нечта хавфли вазиятлар яратдик, аммо рақиб зич ҳимояланди ва вазиятлардан унумли фойдаланишга имконият бермади. Иккинчи бўлимда ҳам ўйин сценарийси ўзгармади. Биз иккинчи бўлимда гол урдик ва ҳисобда олдинга чиқиб олдик. Ғалаба барибир ғалаба.

- Катта эҳтимол билан кейинги мавсумда ҳам "Машъал"да қоласиз? Жамоанинг ўйин услубига ва сизнинг ғояларингизга мос келадиган футболчиларни жамоага жалб этиши ниятингиз борми?

- Албатта. Ўзингиз кўрдингиз мавсум давомида турли хил жамоаларга қарши ўйнадик. Кимдир зич ҳимояланиб олади, Кимдир эса юқори прессинг қўллайди. Индивидуал маҳорати кучли футболчиларни жамоага жалб этиш мақсадимиз бор.

- Ўтиш учрашувида "Шўртан"га жамоасига ўйин ўтказадиган бўлдик. Воҳа дербисидан нималар кутмоқдасиз?

- Дербида иштирок этиш ҳар доим оғир ва ўтиш ўйинларида хато кечирилмайди. Охиригача курашишни мақсад қилганмиз.