Артур Геворкян: "Финалда бор имкониятимизни ишга соламиз"

"25 сентябрь кунги "Бунёдкор"га қарши ўтадиган финал ўйинига пухта тайёргарлик кўраяпмиз. Тўғри, олий лигада сўнгги икки ўйинда ғалаба қозона олмадик. Аммо бу клубдаги жароҳатларнинг кўпайиб кетгани билан боғлиқ. Умид қиламизки, "Бунёдкор"га қарши ўйинда бу футболчилар сафга қайта олишади. Финал ўз номи билан финал. Шунинг учун учрашув қизиқарли ўтишига шубҳа йўқ", - дейди Геворкян "Футбол Экспресс" газетасига.

"Бу сафар учинчи марта финалда ўйнайман. Аввалга иккита финалда жамоам билан зафар қуча олмагандим. Умид қиламанки, учинчи уринишда кубокни қўлга киритамиз. Бунинг учун бутун жамоа билан бор кучимизни ишга соламиз".

Бобурбек Турсунов суҳбатлашди.