Артета: “Тьяго “Барселона”далигидаёқ менга ёқарди, у ажойиб футболчи”
26 сен 2020 00:53
Янгиликлар

Артета: “Тьяго “Барселона”далигидаёқ менга ёқарди, у ажойиб футболчи”

“Арсенал” бош мураббийи Микель Артета “Ливерпуль” ярим ҳимоячиси Тьяго Алкантара ҳақида ўз фикрларини билдирар экан, АПЛ навбатдаги турида мерсисайдликларга қарши кечадиган беллашувга ҳам тўхталиб ўтди.

“Биз трансфер бозоридаги ҳолатимизни таҳлил қилаётганимиз йўқ, аммо Тьяго менга “Барселона”даги вақтидан буён ёқади. Такрорланмас шахс, катта талант эгаси. Ярим ҳимоячи учун барча хислатларга эга. Ўйлашимча, у “Ливерпул” учун ажойиб футболчи.

Ўтган мавсумда кубок ва чемпионатдаги баҳсларимиз турлича кечганди. Бу сафар эса ҳолат мутлақо бошқача. “Ливерпуль” ўйин борасида барча жиҳатларда ўз устунлигини намойиш этмоқда. Биз яхши формада бўлишимиз керак. Душанба кунги беллашувда ғалаба учун ижобий тарафларимизни намоён этишимиз керак бўлади”, дея Артетанинг сўзларидан иқтибос келтирмоқда Sky Sports.

“Арсенал” ва “Ливерпуль” ўртасидаги беллашув 28 сентябрдан 29 сентябрга ўтар кечаси соат 00:01 да бошланади.

Ҳавола :

Манба : Sky Sports

Янгиликларни Телеграмда ўқинг!

Рейтинг: +7