UZ

Сўнгги янгиликлар

22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  4 21:49Уругвай термаси техник ҳамкорсиз қолди, жамоа брендсиз либосларда ўйнамоқда  1 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  0 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  3 20:15"Локомотив" "SWM Motors" билан ҳамкорлик шартномаси имзолади  0 20:00Руслан Аҳмедов: "Биз натижа учун ўйнаяпмиз. Чиройли ўйин иккинчи даражали"  0 19:50Улуғбек Бақоев: "Футболда шунақаси ҳам бўлиб туради"  11 19:33Кварацхелия "Наполи"дан кетмоқчи эмас  2 19:11"Арсенал" Йозуа Киммихга қизиқмоқда  7 18:15ПРО лига. Тошкентда ўтган "Бухоро" - "Хоразм" учрашувида дуранг қайд этилди  14 17:43Винченцо Итальяно мавсум охирида клубдан кетади  0

"Арсенал"ни бошқариш учун энг яхши 10 номзод Янгиликлар

"Арсенал"ни бошқариш учун энг яхши 10 номзод

Теглар :  Арсенал
Афсона кетмоқда.

 1996 йилдан буён "Арсенал"ни бошқариб келаётган Арсен Венгернинг кетишига ОАВ анча вақтдан буён тайёрланаётганди. Бироқ 68 ёшли Арсеннинг кетиши борасидаги расмий хабарни "Арсенал" матбуоти кутилмаган вақтда чиқарди. Аммо ҳеч ким “Арсенал” кўприги қуламоқда” деб ёзмаяпти.

Бир мураббий узоқ йиллардан буён жамоани бир бошқарса, усиз ўша клубни тасаввур қилиб бўлмайди. Энди биз "Арсенал"ни бошқариши мумкин бўлган 10 номзод ҳақида фикр юритамиз.

МАССИМИЛИАНО АЛЛЕГРИ

"Ювентус" бош мураббийи йилдан йилга кучли тактик мураббий эканлигини кўрсатиб келмоқда. "Милан"да у Златан Ибрагимовичнинг бутсаларига ишониб қолмади, ҳурматли инсонлардан бирига айланди. Аллегри "Юве"да 2014 йилдан буён фаолият олиб бормоқда, Аллегри истаган пайтда вазиятни ўзгартириши мумкин. У Италияда барча совринларни ютди, бироқ икки бора ЕЧЛни ютишга яқин келган бўлса-да, совринни қўлга кирита олмади. Финалда "Барселона" ва "Реал"га енгилди. Буффон ушбу мавсумдан кейин фаолиятини якунлайди, Кьеллини ва Барцальи ёзда Дибаланинг кетишини айтишмоқда, Игуаин 30 ёшдан ошмоқда, Аллегрининг ўзига ҳам бошқа жамоалардан таклифлар бўлмоқда... Ҳа, "Арсенал" айни дамда Европа лигаси ғолиблиги учун кураш олиб бормоқда, агар Арсен кетиши олдидан жамоасини ушбу турнирда ғолибликка эришадиган бўлса, кейинги мураббийга катта мерос қолдириши мумкин. Аллегрига эса Англия жамоаси билан еврокубокда қатнашиш яхши чақирув бўла олади ва у "туманли альбион"да ўзини кўрсатади.

ТЬЕРРИ АНРИ

Балки, айтилаётган номзодлар орасида у энг ёмон вариант деб ҳисобланаётгандир. Бироқ Анри - клуб афсонаси, жамоа тарихидаги энг яхши футболчи ва тўпурар. У "Sky Sports" телеканалида яхши телетанқидчи эканлигини кўрсата олди, бироқ бу мураббий бўлиш учун етарлича эмас. Каналнинг энг яхши муҳбирларидан бири Гари Невилл бир вақтлар "Валенсия"да қандай ишлагани кўпчиликнинг ёдида бўлса керак. Ўз вақтида Набоков Американинг машҳур олий ўқув юртига бош бўлиш учун даъвогарлик қилганида файласуф Якобсонга шундай деганди: "Фил - баҳайбат ҳайвонлардан бири, бироқ у биология кафедраси тарбиячиси бўла олмайди". Бу гап Невиллга ҳам тегишли. Анри эса буюк футболчилардан бири бўлган, у "Арсенал"ни янада юксакликка олиб чиқиши мумкин.

КАРЛО АНЧЕЛОТТИ

Олдинроқ Анчелотти Англияда ишлашга қарши эмаслиги ҳақида очиқ ойдин айтганди. Унга "Челси"дан қизиқишлар бўлмоқда. Бироқ айни дамда чемпион қилган Конте жамоани бошқармоқда. "Арсенал"да эса ресурслар йўқ. Бир вақтлар у Моуриньо яратган "машина"ни кўп маблағ сарфлаб ҳам мукаммаллаштира олмай савиясини тушириб юборганди.

Ҳозирда "Арсенал"да молиявий имкониятлар анчагина яхши, клуб қишда Обамеянгни харид қилди. Балки шу сабабли унга АПЛ варианти қизиқроқ бўлиши мумкин.

Анчелотти "Бавария"дан кетди, у ердагилар билан алоқаларни узди. Мюнхендагилар мутахассиснинг фаолиятидан норози бўлди. Унинг машғулот тизими "Бавария" каби гранд клубга тўғри келмади. Арьен Роббеннинг айтишига кўра, "Бавария" академиясидаги ўғли асосий жамоадан кўра қизиқроқ машғулот ўтаган.

Анчелотти - АПЛ учун яралгандек. Бироқ унинг ўзи ушбу лигада ишлашга тайёрмикин? У "Арсенал"ни бошқариши мумкинлиги ҳақидаги миш-мишлар борасида самимий муносабатда, бироқ айни дамга қадар конкрет маълумот йўқ.

МИКЕЛЬ АРТЕТА

"Арсенал"нинг яна бир собиқ футболчиси. Анрига қараганда Артетада мураббийлик борасида тажриба бор. У "Манчестер Сити"да Пеп Гвардиола билан елкама-елка меҳнат қилмоқда. Микель - "Эвертон"да ҳам АПЛнинг энг ақлли футболчиларидан эди. Яхши сифатларини у "Эвертон"далигидаёқ исботлаган. Аммо бош мураббийлик касби умуман бошқача ва яхши мураббий бўлиш учун анчагина ишлаш керак.

ПАТРИК ВИЕЙРА

Мана, яна бир "Арсенал"нинг собиқ футболчиси. Жаҳон чемпиони айни дамда "Нью-Йорк Сити" жамоасини бошқармоқда. Агарда унга Лондон жамоасидан таклиф тушадиган бўлса, буни рад этмаслиги деярли аниқ. Виейра жамоани тарк этганига анча вақт бўлган, бироқ "канонирлар"нинг ўйинларини кузатиб боришини яширмади. Олдинроқ у "Арсенал"нинг янги бош мураббийи бўлиши учун асосий номзод сифатида кўрсатилаётганди. Бироқ ҳозирча "тўпчилар" матбуоти янги бош мураббийни маълум қилмади.

ЛЕОНАРДУ ЖАРДИМ

Англия, Испания ёки Италияда ишламаган қизиқарли вариантлардан бири. Жардим "Монако"да кўзгаташланмоқда, у жамоасини чемпион қилди, ЕЧЛ ярим финалигача олиб бора олди. Шу боисдан унинг хизматларига катта жамоалардан таклифлар бўлмоқда. Францияда у ёш футболчилар билан ишлашда маҳорати катта эканлигини исботлади. Шунингдек, унинг тактикалари ҳам анчагина кучли. Шу боисдан Венгер фонида у ҳам яхши мутахассис сифатида кўриниши мумкин. Ўтган мавсумда унинг жамоаси Гвардиоланинг "Манчестер"ига яхшигина дарс ўтаб, “шаҳарликлар”ни ЕЧЛ плей-оффидан "учириб юборганди".

АНТОНИО КОНТЕ

У "Челси"да сўнгги вақтларини ўтказаётган бўлиши мумкин. Балки Конте "Челси"дан кетар, бироқ Лондондан эмас. Конте илк мавсумидаёқ Англия Премьер-лигаси ғолиблигини қўлга киритди. Бироқ эндиликда "Челси" раҳбариятининг унга бўлган ишончи бироз сўнган. Роман Абрамович ҳар доим жамоасини юқорида кўришни истайди. У ҳатто илк мавсумда "Челси"ни чемпион қилиб, кейингисида ёмон натижа қайд этса ҳам, мураббийни ўзида ушлаб ўтирмайди. 

Аслида Конте мавсум ярмида истеъфога чиқариладиган бўлса, раҳбарият унга 9 млн фунт компенсация пулини олиши керак. Балки шу сабабдан унга чиқиш эшиклари кўрсатилмаётгандир. Агарда мавсум якунланганидан кейин истеъфога чиқадиган бўлса, Конте "канонирлар" учун яхши номзод бўлиши мумкин. 

БРЕНДАН РОЖЕРС

"Селтик" раҳбарияти "Арсенал" Брендан Рожерс билан музокара олиб бораётганига ишонмайди. У жамоасини навбатдаги чемпионлик сари олиб бормоқда. Бироқ "Арсенал"дагиларда "Селтик"ка қараганда козир қарталар кўпроқ. Рожерсни биз "Ливерпуль" ва "Суонси"даги фаолияти орқали яхши биламиз. "Оққушлар"да ишлаганида унинг жамоасига "Уэльс "Барселона"си" деган лақабни қўйиб олишганди. 2013/14 йилги мавсумда у "Ливерпул"ни чемпион қилиши мумкин эди. Бироқ Жерарднинг сирпаниб кетиши вазиятни ўзгартириб юборганди. Кейинчалик, Суарес "Барселона"га ўтиб кетди ва навбатдаги мавсумда кетма кет омадсизликлар бўлди. У ўзи ишлаган жамоаларида ҳар доим 3 ҳимоячили тактикани танлайди. Агарда у "Арсенал"да ишлайдиган бўлса, клубга янги қон олиб кира олади.

ТОМАС ТУХЕЛЬ

Аҳмоқлик деманг! У ПСЖда ишлаши мумкинлиги айтилмоқда, ҳозирча расмий маълумот берилмаган, шу боисдан уни рўйхатга киргаза оламиз. У "Бавария"дан таклифни рад этган. Балки у "Арсенал" билан келишиб қўйгандир... Томас "Майнц" ва "Боруссия" билан яхши натижаларга эриша олган. Ундан ташқари, Обамеянгнинг устози бўлган ва уни қандай ўйнатиш кераклигини билади. Бироқ унинг Дортмунддан кетишига асосий сабабчи бўлган "Боруссия" скаутлари собиқ бошлиғи Свен Мислинстат айни дамда "Арсенал"да ишламоқда. Агарда Тухель "Арсенал" мураббийлигига борса, Свенни ишдан кетишини талаб қилиши ҳам мумкин. Ва шу орқали у клубдаги иқлимни ўзгартирар.

ЛУИС ЭНРИКЕ

"The Independent" нашри хабарига кўра, "Арсенал" испаниялик мураббий билан музокаралар ўтказган. Ҳозирча бу расмий маълумот эмас, икки томон ҳам буни тасдиқламади. Маълумот ишонарлими? Билмадик, бу нашр ҳар доим ҳам аниқ хабарларни бермайди, бироқ учрашув бўлганлиги эҳтимоли юқори. Чунки Энрикени Лондонда кўришган.

Энрикенинг "Барселона"да қилган ишларини барча яхши билса керак. Неймар-Месси-Суарес учлиги даҳшатли ўйин намойиш этарди. Шуниси борки, барча мураббий ҳам АПЛда бирданига ишлаб кета олмайди, аммо Энрике жуда кучли мутахассис.

Миржалол Норматов таржимаси

Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика