"Арсенал" Влаховични сафига қўшиб олмоқчи

Турин клуби футбочиси учун курашда "тўпчилар" етакчилик қилмоқда. "Бьянконери" ҳам бунга қарши эмас. 22 ёшли футболчи Сербия терма жамоаси билан Қатардаги мундиалда муваффақиятсизликка учради. У учинчи ўйинда гол урганига қарамай, баҳс Швейцария фойдасига ҳал бўлди – 2:3. Унинг жамоаси гуруҳ босқичини биргина очко билан энг сўнгги поғонада якунлади.

Влахович "Юве" таркибида жорий мавсум барча турнирларда 15 ўйинда 7 та гол ва 2 та ассист қайд этганига қарамай, баъзи жароҳатлар билан курашишига тўғри келди. Ҳозирда футболчига Европанинг энг камида 4-5 клуби даъвогарлик қилмоқда. "Арсенал" ўтган январда Влаховичга у "Фиорентина"дан Турин клубига ўтганида ҳам қизиқиш билдирган эди.

Бразилия термаси сафида Габриэл Жезуснинг тиззасидан олган жароҳати туфайли камида 3 ойга сафдан чиққани бу қизиқишнинг янада жонланишига олиб келди. Бу келишув қишда амалга ошиши Лондон клуби учун ниҳоятда катта ёрдам бўлса-да, сербиялик ҳужумчи фақат ёзда Англияга кўчиб ўтиши мумкин. Бунинг барчаси Италия клубининг молиявий ҳолати ёмон эканлиги боис амалга ошиши мумкин.