"Арсенал" мухлислари учун хушхабар! Артета Сака жароҳатдан қайтаётганини эълон қилди

Англиялик футболчи декабрь ойида сонидан жароҳат олиб сафдан чиққан эди. "Канонирлар" бош мураббийи Микель Артетанинг сўзларига кўра, футболчи қайтишга яқин.

"Халқаро танаффусдан кейин у қандай ҳолатда бўлишини кўрамиз. У ўзини жуда яхши ҳис қилмоқда ва қайтишга тайёр. У бир неча ҳафта ичида қайтишига ишонамиз", – деди Артета.

Букайо Сака жорий мавсум “Арсенал” сафида 24 ўйинда майдонга тушиб, 9 та гол ва 13 та голли узатмага муаллифлик қилди.

Халқаро танаффус олдидан Артета жамоаси ПСВ ва “Челси”га қарши майдонга тушади.