"Арсенал" Эдегорнинг ўрнига "Манчестер Юнайтед"дан Майну трансферини амалга ошириши мумкин

"Арсенал" қишда хавбек Мартин Эдегорга ўринбосар сифатида "Манчестер Юнайтед" яримҳимоячиси Кобби Майнни ўз сафига қўшиб олиши мумкин. Бу ҳақда ESPN’га таяниб, TeamTalk хабар берди. Манбага кўра, 20 ёшли футболчи жорий мавсумда жароҳатлар туфайли 66 кун майдонга туша олмаган Эдегор учун суғурта вазифасини бажариши мумкин. Энг эҳтимолий вариант - Майнуни қисқа муддатли ижарага олиш.

Жорий мавсумда "Манчестер Юнайтед" ярим ҳимоячиси барча мусобақаларда 10 та ўйинда майдонга тушиб, 1 та голли узатма муаллифи бўлди. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган. Transfermarkt порталида келтирилган маълумотларга кўра, Майнунинг бозор нархи 45 млн еврони ташкил этади.