Аргентина ТЖ устози: “1/8 финалда 2 кундан кейин ўйнашимиз мантиқсиз. Биз стадиондамиз, рақиб эса дам олмоқда”

“Алоҳида айтмоқчиманки, 1/8 финал ўйинини 2 кундан кейин ўтказиш мантиқсиздек туюлмоқда. Гуруҳда биринчи бўлганимизни ҳисобга олсак, бу жуда оз. Эртага пайшанба. Шароитлар яратилмаган ва кўпроқ дам олишга ҳақли эдик. Тунги соат икки ва биз ҳали ҳам стадиондамиз, Австралия эса дам олмоқда.

Австралия ҳақида нима дейишим мумкин? Албатта, уларни кузатдик, аммо бизда бошқа рақиб эди, ўйиндан ўйинга кучайиб борамиз. Улар иштирокидаги баҳсларни таҳлил қиламиз ва 100 фоизга тайёр бўламиз. Бугунги ўйинимиздан келиб чиқиб, ҳар қандай рақибга қийинчилик туғдира оламиз. Ҳамма жиҳатни таҳлил қилишимиз мумкин, аммо асосийси рақибга қандай зарар етказиш вариантини топишдир”, дейди Скалони.

Эслатиб ўтамиз, Аргентина – Австралия учрашуви 3 декабрь куни 23:59 да бошланади.