АПЛ клублари қайси футболчиларга қизиқишмоқда?

"Ливерпуль" чемпионлик пойгасининг пешқадами ва бу мавсумнинг энг яхши жамоаси. Бироқ, уларга лига олтинини тақдим этишга ҳали эрта ва январь ҳали ҳам барчасини ўзгартириб юбориши мумкин. Кўплаб жамоалар таркибни кучайтиришга ва ходимлар сифатини яхшилашга ҳаракат қилишади. Клубларнинг хатти-ҳаракатларини олдиндан билиш ҳар доим қизиқарли ва биз бугун инсайдерлар ва мутахассислар ёрдамида шундай қиламиз.

"Тоттенхем"

Кристиан Эриксен - жамоа етакчиларидан бири - январда кетмоқчи. Бошқалар ҳам унга эргашиши мумкин.

Шу сабабли, "шпорлар" биринчи навбатда ярим ҳимояга эътибор қаратишади. "Аякс"га яқин манбанинг таъкидлашича, Ҳаким Зиеш устувор вариант ҳисобланади. 

Аммо бу жангда "Бавария" рақиблик қилади.  "Тоттенхем" Зиеш бўйича энг юқори даражада муҳокамага киришганини ва клуб яқин ҳафталарда бу бўйича иш бошлашини маълум қилди.

 Бошқа мантиқий вариантлар орасида "Селта"дан ярим ҳимоячи Браис Мендес ва "Лейпциг" марказий ҳимоячиси Дайо Упамекано бор.

“Челси”

Лэмпард “Челси”да жамоанинг тактик схемасини тузиш билан банд. Чап қанот ҳимояси бўйича бир қарорга келмаган кўринади. Чунки, у Бен Чилуэлл (“Лестер”), Хосе Гайя (“Валенсия”) ва Жетро Виллемс (“Ньюкасл”)га қизиқайтганлиги ҳақида хабарлар бор. 

Марказий ҳимояни кучайтириш учун Чаглар Сёюнджю ("Лестер") ва Калиду Кулибали ("Наполи") каби номзодларни ўрганмоқда. 

"Челси" қизиқаётганлар орасида катта трансферга айланиши мумкин бўлганлардан ёш юлдуз - Жейдон Санчо ("Боруссия Дортмунд") ва Усман Дембеле ("Барселона") мавжуд.  

 Қизғин воқеалар ривожини биргаликда кузатиб борамиз.

"Манчестер Юнайтед"

Оле-Гуннар Сульшер январь ойида пул сарфлаши зарур. Тўғри, у мавсум ўртасирида ўзига жалб этиши қийин бўлган Деклан Райс ва Жейдон Санчога кўпроқ қизиқяпти. Шунга қарамай, инсайдерлар Райсни ҳали ҳам оғдириб олиш мумкинлигига ишонишади.

Қандай бўлмасин, кичик пуллар иш бермайди: бу икки футболчининг умумий миқдори 150 миллион фунтга етиши мумкин.  Январь ойида "Юнайтед" бундай ҳаракатлар тўғрисида қарор қабул қилиши даргумон. Бироқ, "иблислар" шунчаки ҳаракатсиз ўтиришмайди. Кўпчилик Марио Манжукичнинг ўтишига ишонишганди (аммо, у Қатарга йўл олди).

"Зальцбург"нинг 19 ёшли футболчиси Эрлинг Холанд навбатдаги "ўлжа". Оле узоқ муддатни кўзловчи мутахассис ва у истиқболли ўйинчиларларнинг ашаддий мухлиси.  Қандай қилиб бошқача бўлиши мумкин, чунки биз норвег ҳақида гапирмоқдамиз! 

 Бошқа ном ҳам бор: "Лион"да ўйновчи Мусса Дембеле, узоқ вақтдан бери манкунианларни ўзига жалб қилмоқда, аммо собиқ "Фулхем" футболчиси ҳали Англияга қайтишни хоҳламаяпти.

"Арсенал"

"Тўпчилар" асосан марказий ҳимоя ва ундан кейин ярим ҳимоя бўйича қизиқиш билдираётгани ҳақида маълумотларни эшитдик. 

Юқорида номи келтилилган Упамекано асосий эътиборни тортган.  Ўтган йил давомида "тўпчилар" скаутлари уни бир неча бор кузатган.

Яна бир ҳимоячи варианти бор: "Ювентус"да ўз имкониятини кутишдан чарчаган Мерих Демирал.  Турк футболчисининг кўчиб ўтиш эҳтимоли катталиги айтилмоқда. 

 Сўнгги хабарларга қараганда жамоанинг янги мураббийи Артета "Лестер"дан Ндиди ва "Наполи"дан Мертенсни жамоасига олиб келиш истагида. Кўрамиз, кузатамиз...

"Манчестер Сити"

"Шаҳарликлар" учун янги марказий ҳимоячи позицияси муҳимроқ ҳисобланади. Ляпортнинг жароҳати "шаҳарликлар"нинг мустаҳкам ҳимоясини кулгили латифаларга айлантирди. Пешқадамдан 14 очкога ортда қолиш - Пеп Гвардиола учун янги тажриба бўлиб, бу шубҳасиз раҳбарият томонидан қўллаб-қувватланишга яъни янги харидларга мухтожликни англатади.  Ҳеч бўлмаганда иккита трансфер бўлиши мумкин, аммо ҳозирча янги номлар кимлар бўлишини айтиш қийин.

Ўтган ёзда шайхлар Гарри Магуайрни сотиб олишдан бош тортишди, бу уларга қимматга тушганини кўриб турибмиз.  Эҳтимол, "Бенфика"дан Рубен Диашни сотиб олиш вақти келгандир.  Аммо яна бир имконият бор: бу Ляпорт тиклангунича ҳимоячини бир муддатга ижарага олиш.

 Лерой Сане клубда хавотир уйғотмоқда: "Бавария"да унга нисбатан қизиқиш бор.  «Сити» эса "Реал Сосьедад"дан Микел Оярсабал  ва «Лестер» дан Бен Чилуэллни сотиб олиш вариантини кўриб чиқиши мумкин. Иккинчиси олдинги трансфер ойнасида деярли "кўклар"га ўтганди.  "Шаҳарликлар"нинг унга бўлган қизиқиши ҳали йўқолмаган.  Фақат январь ойида у "тулкилар"ни тарк этиши даргумон.

"Лестер"

Ҳимоянинг маркази - Жонни Эванс ва Чаглар Сёюнджю дуетининг ажойиб ўйинига қарамай, Магуайрга ўринбосар топа олмаган Брендан Рожерс учун энг қизиқарли нуқтадир.

"Лестер" учун энг муносиб вариантлар - "Борнмут"дан Натан Аке ва "Бёрнли"дан Жеймс Тарковски. Аммо скаутлар бошқа лигаларга ҳам нигоҳ қаратишмоқда.

 Шунингдек, клуб Келечи Ихеаначони ижарага беришга ва унинг ўрнига бошқа биров билан шартнома имзолашга ишоняпти.  Масалан, 26 ўйинда 22 та гол урган "Рейнжерс" ҳужумчиси Альфредо Морелосни харид қилишга.

"Ливерпуль"

Ўтган ёзда "Ливерпуль" оммага катта трансферларни намойиш этмади. Юрген Клопп ҳеч ким топилмагани учун қаноат қилишга қарор қилганди. Кутилаётганидек,  қишда ҳам сенсация содир бўлмайди. "Ред Булл"дан япониялик Минамино сотиб олинганини айтиш мумкин.  

Яқинда Клопп Мбаппени «ПСЖ»дан жалб қилиш имкониятлари ҳақидаги саволга жавобан кулиб юборди ва клуб унга қизиқмаётганлигини айтди. 

Январь ойида Клопп биринчи навбатда ҳужумчига қизиқиш билдирмоқда. Масалан, "Лейпциг"даги Тимо Вернерга. 

 Talk Sport хабарига кўра, "Борнмут" ўйинчиси Раян Фрейзерга қизиқиш мавжуд,  аммо "Ливерпуль"га яқин манбалар ҳеч ким унинг номзодини жиддий кўриб чиқаётгани йўқлигини таъкидламоқда.

Ҳозирча шу, азизлар.  Ҳамиша биз билан бирга бўлинг!

Шерзод Нурматов тайёрлади.