АПЛ: 22-тур превьюси
18 янв 2014 17:13
Янгиликлар
![](https://championat.asia/upload/storage/114553_original.jpg)
![](/upload/storage/114553_220.jpg)
АПЛ: 22-тур превьюси
“Саутгемптон"нинг асаблари имтиҳон қилинмоқда
“Сутгемптон”да дабдурустдан ўзгаришлар бўлиб
кетди. Клубга кўп меҳнати сингган ва уни элитага олиб чиқишда жонбозлик
кўрсатган клуб президенти Никола Кортеза, клуб хўжайини билан келиша олмай,
ишдан бўшади. Бу нарса футболсиларнинг кайфиятига кўп ҳам таъсир қилиши керак
эмасдек бир қарашда. Тўғри-да, президент ким бўлса,
бўлавермайдими? Лекин ҳавотирли томони шундаки, жамоа бош мураббийи Маурисио
Почеттино ҳам агар Кортеза кетса, ишдан бўшашинги айтган эди. Унинг кетиш
эҳтимоли эса тўғридан-тўғри футболчиларга таъсир ўтказмай
қолмайди. Бундай вазиятдан уларнинг ушбу турдаги рақиби “Сандерленд” қанчалик
фойдалана олишини эса томоша қилишимизга кўп вақт қолмади. “Қора мушуклар” учун
ҳозир ҳар бир очко жуда муҳим. Ахир улар элитада жон сақлаш учун
курашишмоқда...
“Сити”нинг мавсумдаги 100-голини ким урар экан?
“Кардифф”га қарши ўйин олдидан “Манчестер Сити”
мавсум экваторида жуда кам учрайдиган ноёб воқелик остонасида турибди. Мавсумнинг
барча турнирлардаги 100-голи айнан мана шу турда
киритилиши мумкин. “Шахарликлар” ҳисобида ҳозирги пайтда 99та гол бор. Ушбу
турда Пеллегрини шогирдлари “Этихад”да ўйнаши ва катта эҳтимолки ғолиб бўлишини
эътиборга оладиган бўлсак, бу ўйиндаги энг асосий интрига, мана шу 100-голни ким уришидадир? Сизнингча бу гол
муаллифи ким бўлади?
Ўзиникиларга бегона бўлган Пьюлис
“Стоук”ни Премьер-Лигага айнан Тони Пьюлис олиб чиққан бўлса-да, жамоа муҳлислари унинг ишдан бўшатилганини эшитиб, кўп ҳам ҳафа бўлишгани йўқ. “Британи” стадионида ҳеч ким кўз ёш тўкмади бундан. Муҳлислар унинг эскича, урфдан чиқиб кетган ўйин услубидан норози эди. Ҳатто яхшигина пул сарфлаб, кучли футболчиларни чақирса ҳам у ўз услубини ўзгартирмаганди.
Шанба куни эса Пьюлис ўзининг собиқ жамоасига қарши биринчи марта майдонга чиқади ва табиийки, у ғалабани ҳаммадан ҳам кўпроқ истайди. Умуман олганда “Пэлас”нинг ўзи учун ҳам бу ғалаба, мулойимроқ қилиб айтганд, зарар қилмаган бўларди. Агар Тони оҳир-оқибат ғалабани илиб кета олса, муҳмон жамоа муҳлисларидан ўз манзилига “чиройли”ҳайқириқларни қабул қилиб олиши тайин. Англияда сафар учрашувларида ҳам мухлислар жамоасини ҳеч ҳам ёлғиз қолдирмаслиги ҳақида ортиқча гапириб ўтириш шарт бўлмаса керак.
“Эмирейтс”да интрига нечанчи дақиқада тамом бўларкин?
“Арсенал” ўз майдонида мавсум бошидан буён мағлуб бўлаётгани йўқ. Аарое Рэмси ҳам майдонга қайтишга тайёр эканлиги хабар қилинаётган бир пайтда, “Арсенал” ғалабалардан чарчаб қолаётгани йўқ. Лондон дербисидаги “канонир”ларнинг бу турдаги рақиби Фулхэм” эса турнир жадвалининг юқори қимида жойлашган 10та жамоага қарши ўйинлардаги дахшатли статистикаси билан кўз ўнгимизда намоён бўляпти. Улар 10та ўйинда 10 бора мағлуб бўлишган! 31 (!)та гол ўтказиб юборишган. Агар Рене Малестин фавқулотда нимадир ўйлаб топа олмаса, кўп эҳтимолки, қуруқ қўл ва бир нечта ўтказилган гол билан уйга қайтишса керак. Ўйиндаги энг асосий савол: . “Эмирейтс”да нечанчи дақиқада тамом бўларкин?
“Стемфорд”га ван Перси-ю Рунисиз, ҳадик билан
Манчестердан Лондонга йўл олаётган автобусда, Робин ван Перси, Уэйн Руни ҳамда янги сотиб олинган яхши ярим ҳимоячи бўлмайди. Аввалги иккитаси жароҳатидан қутилмаган, учинчиси эса ҳали ҳарид қилинмаган. Турнир жадвалидан эса еттинчи поғона банд этилган. Ҳа, анчадан бери “МЮ” бундай аҳволда “Стемфорд Бриж”га ташриф буюрмаганди.
Биламиз, Жозе Моуриньо “Юнайтед”ни чемпионлик учун курашвётган жамоалар сафидан чиқариб юборишга шошилмаслик кераклигини таъкидлаяпти. Бироқ, шуни ҳам яхши тушиниб турибмизки, бу – рақибга кўрсатилаётган ҳурматдан бошқа нарса эмас. Дэвид Мойес жамоаси мана неча ойки, Чемпионлар Лигасига йўлланма берувчи зонага кўтарилиб ололганича йўқ. Шотландиялик мураббий “аристократлвр”га қарши ўйиндаги мағлубият унинг учун шунчаки ёмон мавсумни, жуда ҳам ёмонга айлантириб юбориши, аҳвол янада ёмонроқ бўлиши мумкинлигини яхши тушуниб тургани аниқ. Агар етакчи футболчиларсиз ҳам ижобйи натижа қайд этилса, жамоанинг руҳий ҳолатига бу яхши таъсир этиши ва ғалабаларда барқарорлик қайтиши ҳам мумкин.
Шервуд тактик схемада ўзгариш қиладими?
Ҳа, ўтган
ҳафта “Суонси” “МЮ”га имкониятни бой берди. Бироқ тўпга эгалик қилишда 61%
кўрсатгичга эришди ва ҳар холда биринчи бўлимда рақибларга ҳужум қилиш учун кўп
ҳам имкон бергани йўқ. Жароҳатлар ҳамда қазиятлардан фойдаланиш кўрсатгичининг
пат эканлиги – уэлсликларнинг энг асосий
муаммоларидир. Микаэл Лаудрупни тинчлантирадиган ягона омил эса – барқарор ва ишончли ўрта чизиқ.
“Тоттенхэм” эса Тим Шервуд мураббийлиги остида фақатгина 4-4-2 тактик схемасида ўйнаяпти. Шунинг учун ҳам Шервуд “Иккинчи Ҳарри” лақабини олиб улгурди. Бу схема аутсайдер жамоаларга қарши имш бераётган бўлсада, кучлироқ рақибларга келганда ҳар доим ҳам мувоффақият олиб келаётгани йўқ. “Арсенал”га қарши ўйин бунга яққол мисол. Агар Шервуд тактикада янги бирор нарса қўллаб кўрмаса, бу сафарги ўйинда ҳам қийналиб қолиши ҳеч шап эмас.
“Вест Бром” қўмсаган йигит
“Вест
Бромвич” хўжайинлари балки Стив Кларкни сотишга бироз шошилишгандир. Лекин
жамоа бошқа бир инсонни ушлуб қола олмаганидан кўпроқ афсусда бўлса керак.
Ҳозирги пайтгача “Вест Бром” 21 ўйинда 23тагина гол кирита олган холос. Ҳа,
Ромелу Лукакунинг йўқлиги яққол билиняпти. Унинг қадри ўтаётгани аниқ. Бу турда
Лукаку собиқ жамоасига фақат ўтказиб юборилган голлар сонини оширишда ёрдам бера
олади холос. Шу билан бирга бу клуб кимдан айрилганини эслатиши, уни қўмсашга
мажбур қилиши, яна ярим йилдан сўнг “Эвертон” ҳам шундай аҳволга тушиши
мумкинлигини кўрсатиб қўйиши мумкин.
22-тур ўйинлари
18 январь 2014 йил, шанба
17:45 Сандерленд - Саутгемптон
20:00 Арсенал - Фулхэм
20:00 Кристал Пэлас - Сток Сити
20:00 Манчестер Сити - Кардифф Сити
20:00 Норвич Сити - Халл Сити
20:00 Вест Хэм Юнайтед - Ньюкасл Юнайтед
22:30 Ливерпуль - Астон Вилла
19 январь 2014 йил, якшанба
18:30 Суонси Сити - Тоттенхэм Хотспур
21:00 Челси - Манчестер Юнайтед
21 январь 2014 йил, сешанба
01:00 Вест Бромвич Альбион - Эвертон
Тур олдидан турнир жадвали
№ | Жамоа | Ўйин | Ғалаба | Дуранг | Мағлубият | Т-Н | Очко |
---|---|---|---|---|---|---|---|
1 | Арсенал | 21 | 15 | 3 | 3 | 41-19 | 48 |
2 | Манчестер Сити | 21 | 15 | 2 | 4 | 59-23 | 47 |
3 | Челси | 21 | 14 | 4 | 3 | 40-19 | 46 |
4 | Ливерпуль | 21 | 13 | 3 | 5 | 51-26 | 42 |
5 | Эвертон | 21 | 11 | 8 | 2 | 34-19 | 41 |
6 | Тоттенҳэм | 21 | 12 | 4 | 5 | 26-25 | 40 |
7 | Ман. Юнайтед | 21 | 11 | 4 | 6 | 35-24 | 37 |
8 | Ньюкасл | 21 | 10 | 3 | 8 | 29-27 | 33 |
9 | Саутгемптон | 21 | 8 | 6 | 7 | 27-23 | 30 |
10 | Халл Сити | 21 | 6 | 5 | 10 | 22-27 | 23 |
11 | Астон Вилла | 21 | 6 | 5 | 10 | 20-27 | 23 |
12 | Сток Сити | 21 | 5 | 7 | 9 | 22-35 | 22 |
13 | Суонси Сити | 21 | 5 | 6 | 10 | 26-30 | 21 |
14 | Вест Бромвич | 21 | 4 | 9 | 8 | 23-28 | 21 |
15 | Норвич Сити | 21 | 5 | 5 | 11 | 17-35 | 20 |
16 | Фулҳэм | 21 | 6 | 1 | 14 | 22-46 | 19 |
17 | Вест Хэм | 21 | 4 | 6 | 11 | 21-30 | 18 |
18 | Кардифф сити | 21 | 4 | 6 | 11 | 15-34 | 18 |
19 | Сандерлэнд | 21 | 4 | 5 | 12 | 19-34 | 17 |
20 | Кристал Пэлас | 21 | 5 | 2 | 14 | 13-31 | 17 |
Аброр Қодиров тайёрлади
![AMP Logo](https://championat.asia/image/logo-amp.png)
Фикрлар