UZ

Сўнгги янгиликлар

03:08Акмал Рустамов: "Қўқон шамоли? Бундай об-ҳавода ҳар иккала жамоа ўйнади"  0 02:50Баҳром Ҳайдаров: "Қизилқум"дек жамоани мағлуб этганимиздан хурсанд бўлдим"  0 01:55Суперлига. "Пахтакор" – "Нефтчи" 2:1  1 01:27Камолиддин Тожиев: "Пахтакор"га қарши барча рақиблар 200%га ўйнайди"  3 00:41Левченко: "Пахтакор" нима қилди? Фақат ҳимояланди-ку"  16 00:34Бундеслига. "Бавария" "Гамбург" дарвозасига жавобсиз 5 та гол урди, мюнхенликлар дастлабки 4 та тўпни 29 дақиқа ичида киритишди  0 00:00Туркия Суперлигаси. Истанбул дербисида "Бешиктош" "Истанбул Башакшехир"ни мағлуб этди, Шомуродов янги клубидаги дебют голини урди!   35 23:27АПЛ. "Тоттенхэм" Лондон дербисида "Вест Хэм"ни йирик ҳисобда мағлуб этди  0 23:14А Серия. "Ювентус" ва "Интер" ўртасидаги ўйинда 7 та гол урилди  23 23:00Эрон Про лигаси. "Персеполис" ва "Фулад" ўртасидаги ўйинда ғолиб номи аниқланмади  3 22:13"Эвертон" Жек Грилиш бўйича қарор қабул қилди  1 21:26Ла Лига. "Реал Мадрид" қийин ўйинда "Реал Сосьедад"ни мағлуб этди, мадридликлар 32-дақиқада ўн киши бўлиб қолишди  52 21:06Суперлига. Бир киши кам бўлиб қолган "Пахтакор" "Нефтчи"ни мағлуб этди  221 20:00"Қўқон-1912" "Қизилқум"нинг мағлубиятсиз сериясига чек қўйди  12 19:17АПЛ. "Арсенал" ўз уйида "Ноттингем Форест"ни йирик ҳисобда таслим этди, Субимендидан дубль!  21

Анвар Бердиев: "Лебедев "Истиқлол"га қайтарилгани учун клубимиз раҳбариятига миннатдорчилик билдираман" Янгиликлар

Анвар Бердиев: "Лебедев "Истиқлол"га қайтарилгани учун клубимиз раҳбариятига миннатдорчилик билдираман"

ПРО-Лига янги мавсумига тайёргарлик олиб бораётган Фарғонанинг "Истиқлол" клуби бош мураббийи Анвар Бердиев билан клубнинг олдиндаги режалари, таркибга жалб этилаётган футболчилар хусусида суҳбат ташкил этдик.

- Анвар ака, "Истиқлол" жамоасини мавсумга тайёргарлик жараёни қандай кечмоқда?
- Авваламбор барча футбол мухлисларини кириб келган янги йил, янги футбол мавсуми билан табриклайман. Очиғини айтиш керак, ўтган мавсумда юзага келган пандемия сабаб биз ҳам, мухлислар ҳам футбол ҳавосидан тўла баҳраманд бўла олмадик. Умид қиламан янги футбол мавсумида биз аввалги даврлар каби футбол учрашувларини ўтказамиз, илоҳим барчаси ортда қолгани рост бўлсин.

Жамоамизнинг мавсумга тайёргарлик жараёни ҳақида айтадиган бўлсам, режага кўра биз 3-январь санасидан машғулотларни бошлашимиз лозим эди. Лекин юзага келган турли сабаблар туфайли биз йиғинни кечроқ бошладик. Кўпчиликни хабари бор, ўтган мавсумда таркибимизда ҳаракат қилган аксарият футболчилар бошқа жамоаларга ўтиб кетишди. Ҳозирдаги таркибимиз деярли янгиланган. Мана ҳозир ҳамма шу ҳақида айтаяпти, биз "Нефтчи"да ўйнаган айрим футболчиларни таркибимизга жалб этдик. Бизга улар керак, уларнинг тажрибасидан фойдаланишни мақсад қилганмиз. Яқинда "Ҳоким кубоги" мусобақаси бошланади, мана шу турнир давомида биз оптимал таркибни аниқлаймиз, ким қолиши ёки кимдир кетиши шундан сўнг аниқ бўлади.

- "Истиқлол"нинг бугунги машғулотларида тажрибали мутахассис, жамоанинг собиқ бош мураббийи Сергей Лебедев ҳам иштирок этмоқда. Айтингчи, Лебедев жамоага қайтдими?

- Ҳа, Сергей Лебедев жамоамизга қайтди. Бизни таклифимизни инобатга олиб ушбу тажрибали мутахассисни жамоамизга қайтарганликлари учун клубимиз раҳбариятига миннатдорчилик билдираман. Эндиликда яна Сергей Лебедев билан бирга ишлаймиз, мураббийлар штабида бизга яқиндан ёрдам беради.

- Анвар ака, айни дамда "Истиқлол" машғулотларида Мансур Саидов, Дилёр Ирматов, Фаррух Турдалиев каби футболчилар иштирок этишмоқда. Футболчилик даврингизда бу футболчилар билан бирга ўйнагансиз, улар билан ишлаш сиз учун қийин эмасми?

- Йўқ, албатта қийин эмас. Мен ушбу футболчиларни имкониятларини, майдонда нималарга қодир эканликларини яхши биламан. Шу сабабдан улар билан ишлаш мен учун қийинчилик туғдирмайди. Ҳозирда бундан ташқари Павел Смоляченко ҳам жамоамиз машғулотларига қўшилди.

Клубимиз раҳбарияти бизга янги мавсум учун жиддий вазифаларни қўймоқда. "Истиқлол" ПРО-Лигада чемпион бўлиши учун барчамиз биргаликда астойдил ҳаракат қиламиз. Биласизлар, вилоятимиз ҳокими Хайрулло Бозоровнинг футболга бўлган қизиқиши юқори. Шу сабабдан айни дамда Фарғонадаги футбол клубларига бўлган эътибор кучли. Биз ҳам албатта яратиб берилаётган шароитларни, ишончни оқлашга астойдил ҳаракат қиламиз.

Бекзод Толибов ёзиб олди

Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика