Анвар Бердиев: "Ҳал қилувчи босқичдаги ўйинлар бошқача кечади"

"Бугун қизиқарли ва курашларга бой ўйин бўлди. Ўйиндан олдин бизга осон бўлмаслигини билардик. Жамоамиз жорий мавсумда бир маротаба тарқалиб кетиб яна қайтадан тикланди. Натижада кўп футболчиларимиз жамоани тарк этди. Жамоада бор футболчилар билан Про лигадаги иштирокимизни давом эттирдик. Менимча ёмон натижалар қайд этмадик. Кучли тўртликка кириш учун ҳаракат қилгандик. Қайсидир жойда омад етишмади. "Динамо" билан ўз майдонимизда ўтган учрашувда охирги сонияларда гол ўтказиб қимматли очкони қўлдан бой бердик. Йигитларга раҳмат айтмоқчиман. Биз учун бу катта дарс бўлди. Футболчилар бугун беш соат йўл юриб келиб баҳсда ғалаба қозонишди.

Рақибни биламиз паслар билан ўйнайди. Менга энг ёққан нарса Про лигада ўткинчи ўйинларни йўқлиги. Мана "Оқ-тепа" аввалги турда "Шўртан"ни мағлуб этди. Ёки сафарда "Хоразм"га ютқазди. Биз мана бугун келиб ғалаба қозондик. Шиддат юқори. Агар шу йўсинда давом этса футболимизда ўсиш бўлади.

Ҳал қилувчи босқичдаги ўйинлар бошқача кечади. Ҳар бир ўтган баҳс тарих",- дейди Анвар Бердиев.