Анвар Бердиев апрель ойида «Андижон»нинг «Энг яхши футболчиси» бўлди

Куни-кеча поёнига етган апрель ойи бўйича телеграмдаги расмий каналимиз орқали мухлислар ўртасида «Андижон»нинг  «Энг яхши футболчиси»ни аниқлаш борасида сўровнома ўтказдик. Унда тажрибали ҳужумчи Анвар Бердиев энг кўп овоз тўплаб, биринчи бўлди. Кейинги ўринни жамоа сардори Иброҳим Отахонов эгаллаган бўлса, учликни Фарҳод Бекмуратов якунлаб берди. 

Дарҳақиқат, апрель ойи Бердиев учун ижобий ўтди дейиш мумкин. Айниқса ўз майдонимиздаги учрашувларда бир нечта голлар уриб, жамоа ғалабаларига ўз ҳиссасини қўшишга эришди. 

Биргина «Цементчи» билан баҳсда юз берган холатни (четлатишни) инобатга олмасак апрель ойи Бердиев учун ёмон ўтмади дея оламиз. 

Умуман олганда якунига етган ойда барча футболчиларимиз жамоа манфаатлари йўлида астойдил тер тўкди. Умид қиламизки, бу холат мавсум сўнггига қадар давом этади.