Англия терма жамоаси собиқ футболчиси "Манчестер Юнайтед"га Роналдудан қутулишни маслаҳат берди

Унга кўра, клуб португалияликдан қутулиши керак.

"Достон имкон қадар тезроқ тугаши лозим. Роналду нима истаётганини айтди, нега уни ушлаб туриш керак? У узоқ вақтдан бери футбол ўйнамади ва ҳозир 37 ёшда. Формада бўлиш ва ўйнаш учун мавсумолди ўртоқлик ўйинлари ташкил этилади. Буни сизга ҳар бир футболчи айтади. У эндиликда жамоани кучли тўртликка киритиш учун етарли даражада яхши ҳолатда бўлмайди. Агар Роналду қолса, улар барибир омон қолишмайди ", – деди Мерсон.

Аввалроқ, 37 ёшли Роналду "Манчестер Юнайтед"ни тарк этиб, Чемпионлар Лигасида иштирок этувчи клубга ўтмоқчи эканлиги ҳақида хабарлар тарқалган эди. Португалиялик футболчига "Атлетико", "Реал", "Бавария" ва "Наполи" клублари қизиқиш билдирмоқда.

Роналду ўтган мавсумда барча мусобақаларда 39 та ўйинда майдонга тушиб, 24 та гол урган ва 3 та голга ассистентлик қилган. Унинг "Манчестер Юнайтед" билан шартномаси 2023 йилнинг ёзига қадар мўлжалланган.