UZ

Сўнгги янгиликлар

12:19"Ал Ҳиол" "Ливерпуль" ҳужумчиси бўйича келишувга эришди  1 11:49Мураббий илк бор ҳакамларни тайинлаш қўмитасига киритилди   1 11:32"Реал" тарбияланувчиси энди асосий жамоа билан шуғулланади ва 9-рақамни олади  1 10:42Рахим Стерлинг фаолиятини бошқа бир Лондон клубида давом эттириши мумкин  2 10:10АПЛнинг 4 та клуби ПСЖ ҳужумчисига қизиқиш билдирмоқда  1 09:37Зидан келаси йил мураббийликка қайтади  5 09:06Шукрон Йўлдошев: “Жамоамизни муҳим баҳс кутиб турибди”  1 08:35Сон МЛС тарихидаги энг қиммат трансферга айланади  0 08:04Португалия футболи афсонаси 53 ёшида юрак хуружидан вафот этди  1 07:37Суперлига. "Пахтакор" — ОКМК 1:2. Фламарионнинг голи ҳисобга олинмади  5 07:28Суперлига. Бугун 17-тур давом эттирилади  5 01:50U21 биринчилиги. Пешқадам "Навбаҳор"дан кичик, "Андижон"дан 7:2 ҳисобидаги ғалаба ва бошқа натижалар  4 01:30Заид Таҳсин: "ОКМКдан устун эдик. "Пахтакор" аъзоси бўлиш шараф"  3 01:13Миржалол Қосимов: "Ҳакам яна бироз вақт қўшиб берганида уч тайм футбол ўйнаган бўлардик. Русчасига айтганда "заслужили"  12 00:30"Тоттенхэм" "Ал Ҳилол" ҳужумчисини сотиб олиши мумкин  0

Андрей Шипилов: “Шаҳзод учун хурсандман” Янгиликлар

Андрей Шипилов: “Шаҳзод учун хурсандман”

“Металлург” – “Сурхон” (1:0) учрашувидан кейин даставвал мезбонлар бош мураббийи Андрей Шипилов ўйин ҳақидаги ўз фикр мулоҳазалари билан ўртоқлашди.

-  Қизиқарли, муросасиз ўйиннинг шоҳиди бўлдик. Ҳар иккала жамоа ҳужумкор футбол намойиш этишди. Шогирдларимнинг ҳаракатларидан қониқдим, эътирозларим йўқ. Об-ҳавонинг кескин ўзгариши туфайли майдонни ўйинга тайёрлаш осон кечмади. Учрашувгача сифатли майдонни тақдим этганлиги боис стадион ишчи ва ходимларига миннатдорлик билдираман. Бугун шогирдларим ўз вазифаларига сидқидилдан, профессионал тарзда ёндошишди. Бор куч ва маҳоратларини ишга солишди. Ҳужумда ҳам, ҳимояда ҳам тартибли ўйнадик. Уйдаги ўйин учун етарлича голлик вазиятларни яратдик. Бугун комбинацион ва ҳужумкор футбол намойиш эта олганлигимиз боси мақсадга эришдик. Стандартдан гол урдик. Икки ойдан буён уйда ғалаба қозона олмаётгандик. Шаҳзод Убайдуллаев ўзини кўрсатди. Унинг яна жисмоний ҳолатини тиклаб бораётганлигидан хурсандман. Чемпионатда яна битта учрашувимиз қолди. Муборакда “Машъал”га қарши ўйнаймиз. Энди шу ўйинга тайёргарликни бошлаймиз.

- Ёшлар жамоангизнинг мамлакат биринчилигида ғолиб чиққанлиги билан табриклаймиз. Асосий таркибнинг бу йилги мавсумдаги иштирокидан кўнглингиз тўлдими? Ўзбекистон кубогида қандай натижаларни кўзлаяпсизлар?
- Табрик учун раҳмат. Ҳақиқатан ҳам Бекободда футболни ривожлантириш учун салмоқли ишлар олиб борилаяпти. Уч йил мобайнидаги меҳнат ва изланишлар туфайли ўзига хос жамоани шакллантира олдик. Асосий таркибимиз кетма-кет икки мавсум бешинчи ўринни қайд этди. Ёшларимиз ҳам кучли олтиталикдан пастга тушишмади. Бу йил эса улар муддатидан олдин чемпионликни расмийлаштиришди. Бу бизнинг тўғри йўлдан кетаётганлигимизни кўрсатади. Натижалар қилаётган меҳнатларимизнинг самараси деб биламан. Асосий таркибнинг айни пайтда эгаллаб турган ўрнидан албатта қониқмаяпман. Биз совриндорлар сафига кирмасакда, кучли тўртталик, бешталикда бўлишга лойиқ эдик. Аммо футболда омад деган фактор ҳам бор. Иккинчи даврада жуда кўплаб учрашувларда бу омил биздан юз ўгирди. Ютаётган ўйинларимизда очко йўқотдик. Шунинг ҳисобига ўртамиёна жамоалар қаторига тушиб қолдик. Олдинда “Машъал”га қарши учрашув турибди. Бор диққат эътиборимиз ушбу учрашувга қаратилади. Ундан кейин Ўзбекистон кубогидаги иштирокимиз ҳақида ўйлаймиз, - дейди Андрей Сергеевич.

Рейтинг: -2   

Фикрлар

championat.asia
< сўнгги янгиликларни кўриш
Яндекс.Метрика