Андрей Микляев "Сурхон" олдига қандай вазифа қўйилганини айтди

"Натижадан қониқмадик. Икки хил тайм ўтказдик. АГМК бугун ғалаба жуда зарур эканлигини билардик. Улар анчадан буён ғалаба қозона олишмаётганди. Биринчи таймда ҳужумда жуда кучсиз ўйнадик, бўлим сўнггида стандартдан гол ўтказиб юбордик.

Учта ўйиндан буён гол ура олмаяпмиз. Бунга кўплаб сабаблар бор. Иккинчи таймда тўпни назорат қилдик, аммо яна охирида гол ўтказиб юбордик. Ҳужумда ўзимиз истагандек ўйнай олмадик.

Асилбек Амонов машғулотда жароҳат олди ва майдонга Қобулжонов тушди. Азамат Алланиязов бир ойдан буён даволанмоқда. Ҳакимов биринчи ўйинларда гол урганди, ҳозир эса биз истагандек ўйнай олмаяпти.

"Сурхон" олдига етакчи клубларга рақобатчи жамоага айлантириш вазифаси қўйилган. Термизда 15 йилдан буён катта футбол бўлмаган. Шу боис энди янги ёшларни кашф қилиш керак. Бугун икки нафар термизлик футболчи ўйнади.

Йигитларга иккинчи бўлим учун эътирозим йўқ", - дейди Андрей Микляев.